लोकप्रिय ट्याक्सी सेवाको प्रथम बार्षिक उत्सव : मानव सेवा आश्रममा भोजन प्रसादी वितरण गर्दै मनाइयो
दाङ, तुलसीपुर — दाङको तुलसीपुरबाट सञ्चालित लोकप्रिय ट्याक्सी सेवा प्रा.लि.को प्रथम वार्षिकोत्सवको अवसरमा मंगलबार मानव सेवा आश्रम, तुलसीपुरमा भोजन प्रसादी कार्यक्रम सम्पन्न गरिएको छ।
उक्त अवसरमा कम्पनीका संस्थापक, कार्यालय प्रमुख सदस्य तथा चालकहरू उपस्थित रहँदै आश्रममा बसोबास गर्दै आएका ज्येष्ठ नागरिक, बालबालिका र असहाय व्यक्तिहरूलाई भोजन गराइएको थियो। साथै आश्रममा बसेर पढ्ने ४ जना आश्रित विद्यार्थीलाई शैक्षिक सामाग्री पनि वितरण गरिएको हो ।
कार्यक्रममा संस्थाका प्रतिनिधिहरूले सामाजिक उत्तरदायित्व अन्तर्गत आगामी दिनमा पनि यस्ता सेवामूलक कार्य निरन्तर गर्ने प्रतिबद्धता जनाएका छन्।
लोकप्रिय ट्याक्सी सेवाले मानव सेवा आश्रमलाई निःशुल्क ट्याक्सी सेवा दिने घोषणा गरेको छ । लोकप्रिय ट्याक्सी सेवा प्रा.लि का अध्यक्ष घनश्याम डाँगीले मानव सेवा आश्रमलाई ट्याक्सी सेवा आवश्यक परे आफुहरूले निशुल्क ट्याक्सी सेवा दिने घोषणा गरेका हुन ।
लोकप्रिय ट्याक्सी सेवाले हाल दाङको तुलसीपुरबाट सेवा दिइरहेको छ । वि.सं २०८१ असोज २० गते ३ वटा ट्याक्सीबाट सुरू गरिएको लोकप्रिय ट्याक्सी सेवामा हाल ६ वटा ट्याक्सीबाट सेवा दिने गरेको छ । लोकप्रिय ट्याक्सी सेवाले ८ जनालाई रोजगारी सिर्जना गरेको छ ।
मानव सेवा आश्रमका प्रतिनिधिहरूले लोकप्रिय ट्याक्सी सेवा प्रा.लि.प्रति धन्यवाद ज्ञापन गर्दै सहयोग र मानवीय सेवामा निरन्तर साथ रहने विश्वास व्यक्त गरेका छन्।
