जेनजी आन्दोलनमा लुटपाट, तोडफोड आगजनी गर्ने तरूण दलका ३ नेतालाई कारबाही

दाङ / जेनजी आन्दोलनमा लुटपाट र तोडफोड गरेको भन्दै नेपाली काँग्रेस निकट तरुण दलका ३ जना नेतालाई कारबाही गरिएको छ ।

जेनजी आन्दोलनका क्रममा दाङमा भएका लुटपाट, आगजनी र तोडफोडमा संलग्न भएको आरोपमा नेपाल तरुण दल दाङले आफ्ना तीन सदस्यलाई निष्काशन गरेको छ। तरूण दलको दाङ जिल्ला सदस्य घोराहीका विनोद गुरुङ, नेपाल तरूण दल वबई गाउँपालिकाका अध्यक्ष गोपिकृष्ण वुढा र नेपाल तरूण दल तुलसीपुरका अध्यक्ष हुँ भन्दै हिड्ने कमल घर्तीलाई संगठनले साधारण सदस्य समेत नरहने गरी कारबाही गरेको हो।

नेपाल तरूण दल जिल्ला कार्यसमिति दाङले उनीहरू जेनजी आन्दोलनको क्रममा सरकारी कार्यालय, पार्टी कार्यालयदेखि व्यक्तिका निजी घरसम्पत्ति माथि आगजन लुटपाट र तोडफोड जस्ता जघन्य घटना घटाउन प्रत्यक्ष वा अप्रत्यक्ष रुपमा संलग्न रहेको भन्दै कारबाही गरेको जनाएको छ।