सागर सुबेदी, दाङ / साउन ११
दाङमा आर्थिक बर्ष २०८१/०८२ मा सवारी दुर्घटना परि ८१ जनाको मृत्यू भएको छ ।
जिल्ला ट्राफिक कार्यालय दाङले दिएको सूचना अनुसार सवारी दुर्घटना परि एक बर्षमा ५९९ जना घाइते भएका छन भने ८१ जनाको मृत्यू भएको छ । एक बर्षको अन्तरालमा ३६० पटक सवारी दुर्घटना भएको जिल्ला ट्राफिक कार्यालय दाङले जनाएको छ ।
अघिल्लो बर्षको तुलनामा यस बर्ष सवारी दुर्घटना संख्या र सवारी दुर्घटनामा घाइते हुनेहरुको संख्या केही बढे पनि मृत्यू हुनेको संख्या भने घटेको छ । अघिल्लो आर्थिक बर्ष २०८०/०८१ मा २०३ वटा सवारी दुर्घटना हुँदा ३५२ जना व्यक्ति घाइते भएका थिए भने ९८ जनाको मृत्यू भएको थियो ।
अघिल्लो बर्षको तुलनामा यस बर्ष ट्राफिक प्रहरी कार्यालय दाङले ट्राफिक सचेतना कार्यक्रमलाई भने तिव्र पारेको छ । आ.व २०८०/०८१ मा १,०४५ वटा जनचेतना कार्यक्रम गर्दै ५१, ३८४ जनालाई ट्राफिक सचेतना प्रदान गरेको जिल्ला ट्राफिक कार्यालय दाङले यस आ.व २०८१/०८२ मा भने १,४०१ पटक जनचेतना कार्यक्रम गर्दै ९३,८६२ जनालाई ट्राफिक सचेतना प्रदान गरेको छ ।
