दाङ । नेशनल प्याब्सन तुलसीपुर दाङको आयोजनामा हिन्दु नारीहरुको महान् पर्व हरितालिका तीज २०८२ को अवसरमा तीज विशेष सांस्कृतिक नृत्य प्रतियोगिता भव्य रूपमा सम्पन्न भएको हो ।
कार्यक्रममा नेशनल प्याब्सन तुलसीपुर नगर अध्यक्ष सुमन केसीको अध्यक्षता तथा तुलसीपुर उपमहानगरपालिका शिक्षा महाशाखाका शिक्षा अधिकृत मनबहादुर खड्काको प्रमुख आतिथ्यतामा सम्पन्न भएको हो । कार्यक्रमको विशिस्ट अतिथि दाङ जिल्ला अध्यक्ष शालिकराम कार्कीले गर्न भएको थियो । प्रमुख अतिथि मन बहादुर खड्काले तीज पर्वले महिलाको भूमिका, संस्कार र संस्कृति संरक्षणमा महत्वपूर्ण योगदान दिने उल्लेख गर्दै यस्ता प्रतियोगिताले विद्यार्थीको प्रतिभा उजागर गर्ने बताउनुभयो।
विशिष्ट अतिथि जिल्ला अध्यक्ष शालिकराम कार्कीले तीजजस्ता पर्वले आपसी मेलमिलाप, संस्कृतिप्रतिको लगाव र राष्ट्रिय एकता मजबुत हुने धारणा राख्नुभयो।
प्रतियोगितामा अमृत एकाडेमी प्रथम, सगरमाथा बालबाटिका स्कुल द्वितीय, शिखा इङ्ग्लिस बोर्डिङ स्कुल तृतीय र लोकप्रिय एकाडेमी सान्त्वना विजेता बने। स्थान प्राप्त विद्यालय र विद्यार्थीलाई पुरस्कार तथा प्रमाणपत्र प्रदान गरिएको थियो।
कार्यक्रम जिल्ला उपाध्यक्ष लिलाधर भण्डारी को स्वागत मन्तव्यबाट सुरु भएको कार्यक्रम सहजीकरण नगर सचिव रमेश पौडेलले गर्नुभएको थियो।
