हेटौंडा उपमहानगरपालिका–१० स्थित सोलिड्यारिटी ईन्टरनेसनल एकेडेमीको ३२ औं वार्षिकोत्सव सोमबार सम्पन्न भएको छ । एकेडेमीले वार्षिकोत्सवमा सांस्कृतिक कार्यक्रम, शैक्षिक प्रदर्शनी, सम्मान तथा पुरस्कार वितरण गरेको हो ।
विद्यालयका संस्थापक अध्यक्ष ऋषिराम आचार्यले ग्रामीण क्षेत्रका बिपन्न बर्गका बालबालिकालाई होस्टेलमा राखेर निःशुल्क शिक्षा दिने काम पनि गरिएको बताए । निजी क्षेत्रबाट शैक्षिक संस्था उत्कृष्ठ रुपमा संचालन गर्न निकै चुनौतीपूर्ण रहेको भन्दै आचार्यले मकवानपुरको क बर्गको विद्यालय बनाउन सफल भएको बताए । हेटौंडा उपमहानगरपालिका–१० नम्बरका वडाअध्यक्ष फुर्वादोर्जे लामाको प्रमुख आतिथ्यतामा, नेपाल पत्रकार महासंघ बागमती प्रदेश अध्यक्ष कृष्ण सारुमगरको बिशिष्ठ आतिथ्यतामा कार्यक्रम भएको थियो । कार्यक्रममा बालबालिकाले विभिन्न सांस्कृतिक प्रस्तुति गरेका थिए । नर्सरीदेखि कक्षा २ सम्मका करिब ५सय बालबालिकाले स्टेचमा आफ्नो प्रस्तुती दिएका थिए । कक्षा २ भन्दा माथिका विद्यार्थीमध्यबाट छनोट गरिएको तर, साना कक्षाका सबै नानीबाबुलाई मञ्चमा उतारिएको विद्यालयका सहायक प्रधानाध्यापक स्यामकृष्ण ज्ञवालीले जानकारी दिए । कार्यक्रममा उत्कृष्ट शिक्षक, विद्यार्थीलाई सम्मानीत गरिएको थियो । विद्यालयको बिभिन्न गतिबिधिलाई स्थानीय तथा राष्ट्रिय मिडियामा समाचार संप्रेषण गरी उल्लेखनीय सहयोग पु¥याएको भन्दै नेपाल पत्रकार महासंघ मकवानपुरका पूर्वअध्यक्ष भानुभक्त आचार्यलाई नगद १० हजार रुपैयाँसहित ‘सोलिड्यारिटी शैक्षिक पत्रकारिता सम्मान २०८१’ बाट सम्मानीत गरिएको थियो । विद्यालयका संस्थापक अध्यक्ष आचार्य, प्रधानाध्यापक रीना आचार्य, प्रमुख अतिथि वडाअध्यक्ष लामालगायतले सम्मान गरेका हुन् । उत्कृष्ठ वर्षशिक्षक धीरज लामा र शीतल रिसाललाई एक ग्रेडबृद्धिसहित सम्मानीत गरिएको थियो । त्यस्तै उत्कृष्ठ विषयशिक्षक उत्तमप्रसाद उप्रेती, तृष्णा बज्राचार्य, देवकी रिमाललाई नगदसहित सम्मानीत गरिएको थियो । वर्ष उत्कृष्ठ विद्यार्थी सचिन यादव सहित अनुशासित, सफासुग्गर विद्यार्थी र तिनका अभिभावक सम्मानीत भएका थिए ।
