दाङ – दंगीशरण गाउँपालिका–४ मौलीमा आइतबार बिहान थ्रेसरमा परि एक महिला घाइते भएकी छन्।
घर नजिकै छिमेकी लिलाधर के.सी.को खेतमा धान थ्रेसिङ गर्ने क्रममा मौलीकी ६० वर्षीया टिका शर्माको थ्रेसर मेशिनमा सल बेरिँदा टाउकोमा चोट लागी घाइते भएको प्रहरीले जानकारी दिएको छ ।
घाइते शर्मालाई तत्काल राप्ती प्रादेशिक अस्पताल तुलसीपुर पुर्याइएको थियो। राप्ती प्रादेशिक अस्पतालमा सामान्य उपचारपछि सिटी स्क्यानको लागि घोराही रिफर गरिएको स्रोतले जनाएको छ।
उनी अहिले सामान्य अवस्थामा रहेको र उपचारमा छोरा दीपक शर्मा संलग्न रहेको बुझिएको छ।
यसअघि पनि धान थ्रेसिङको क्रममा सावधानी नअपनाउँदा यस्ता दुर्घटनाहरू दाङको ग्रामीण क्षेत्रमा दोहोरिँदै आएका छन्। प्रहरी र स्थानीय निकायले किसानहरूलाई थ्रेसिङ गर्दा विशेष सावधानी अपनाउन आग्रह गरेको छ ।
Facebook Comments Box
