राप्तीमा आरन पेशा संरक्षणका लागि दुई महिने तालिम सुरू
मसुरीया, २६ फागुन
परम्परागत आरन पेशाको संरक्षण तथा प्रवर्द्धन गर्ने उद्देश्यले दाङको राप्ती गाउँपालिकाले खुकुरी तथा कृषि औजार निर्माणसम्बन्धी दुई महिने तालिम सुरु गरेको छ।
राप्ती गाउँपालिकाको आर्थिक सहयोग तथा दलित सञ्जाल राप्तीको आयोजनामा सुरु भएको तालिमको सोमबार वडा नं. ३ का अध्यक्ष उमेश अधिकारीले उद्घाटन गर्नुभयो।
उद्घाटन कार्यक्रममा अध्यक्ष अधिकारीले परम्परागत आरन पेशा लोप हुने जोखिम बढ्दै गएकोप्रति चिन्ता व्यक्त गर्दै यसको संरक्षणका लागि सामूहिक प्रयास आवश्यक रहेको बताउनुभयो।
त्यस्तै युवाहरूमा यो पेशाप्रति घट्दो रुचि पुनः जागृत गर्न तालिमले महत्वपूर्ण भूमिका खेल्ने उहाँले विश्वास व्यक्त गर्नुभयो।
नेपाल एकीकरणमा खुकुरीको ऐतिहासिक महत्त्वको चर्चा गर्दै अध्यक्ष अधिकारीले
राप्तीलाई चिनाउने गरी विभिन्न प्रकारका खुकुरी निर्माण गर्न प्रशिक्षार्थीहरूलाई आग्रह ...
