सिएनटीप्रेस समाचारदाता / चैत १५
दाङ, तुलसीपुर उपमहानगरपालिका वडा नं १८ को आयोजनामा ३ दिने तरकारी खेती तालिमको उद्घाटन गरिएको छ ।
तुलसीपुर उपमहानगरपालिका वडा नं १८ को सभाहलमा तालिमको उद्घाटन गर्दै वडा अध्यक्ष माधव वलीले बिद्यमान समाजमा हामी व्यावसायिक तरकारी खेती गर्न नसक्दा बाहिरबाट आयत भएर आउने तरकारी खान बाध्य भएकाले यस्ता कुराहरुलाई रोक्नका लागी तालिमको आयोजना गरिएको बताउनुभयो ।
वडा अध्यक्ष वलीले बाहिरबाट आउने तरकारीहरुमा बिषादी हुने र त्यसले मानव जातीको स्वास्थ्यलाई प्रतिकुल असर पार्ने भएकाले आफ्नै घरमा उत्पादन गरेको ताजा तरकारीहरुले स्वास्थ्यलाई पनि फाइदा हुने र उत्पादन गरेको तरकारीहरु बजारमा बेचबिखन गर्दा त्यसबाट आम्दानी पनि हुने हुँदा तालीमले वडा नं १८ लाई कृषीमा आत्मनिर्भर बनाउने कुरामा बिश्वास गर्न सकिने बताउनुभयो ।
उहाँले महिला दिदिबहिनीहरुका लागी बिशेष गरि यो तालिमको आयोजना गरिएको र यस तालिम पश्चात आफ्नै घरमा उत्पादन भएका अर्गानिक तरकारीहरु उत्पादन गर्नमा प्रशिक्षार्थीहरुले मेहनत गर्ने बिश्वास ब्यक्त गर्नुभयो ।
साथै वडा अध्यक्ष वलीले तुलसीपुर उपमहानगरपालिका कृषी विकास समितिको मिति २०८१/०७/२९ गतेको निर्णय अनुसार आ.ब. २०८१/०८२ का लागी तुलसीपुर १८ नं वडालाई हाट बजारको व्यवस्थापनको समेत जिम्मा दिएकाले महिला दिदिबहिनीहरुले उत्पादन गरेका तरकारीहरुले बजार पाउदैनन् कि भन्ने चिन्ता दुर भएको जिकिर गर्नुभयो ।
३ दिने तरकारी खेतीको प्रशिक्षक कृषि विकास शाखाका अधिकृत कुलराज चौधरीले प्रशिक्षार्थीहरुले सिकाएको कुरा व्यवहारमा लागु गरि तरकारी खेती गर्न थाल्नुभयो भने वडा नं १८ लाई तरकारी खेतिको हव बनाउन सक्ने कुरामा कुनै शंका नरहेको बताउनुभयो । उहाँले १८ नं वडाले प्रत्येक कृषकहरुका लागी उदाहरणीय कामहरु गर्दै आइरहेको र यहाँको माटो समेत तरकारी खेतीका लागी उपर्युक्त भएकाले यस तालिम पश्चात यहाँका कृषकहरुले घरायसी प्रयोजनका लागी मात्रै नभएर व्यावसायिक रुपमा तरकारी खेती गर्ने कुरामा आफु विश्वस्त रहेको बताउनुभयो ।
तुलसीपुर उपमहानगरपालिका वडा नं १८ का वडा अध्यक्ष माधव वलीको अध्यक्षता एवम् कृषी शाखाका अधिकृत कुलराज चौधरीको प्रमुख आथित्यतामा सम्पन्न उद्घाटन कार्यक्रम वडा सदस्य सितल प्रसाद बुढा मगरको स्वागत मन्तब्यबाट सुरु भएको थियो भने कार्यक्रमको सहजिकरण वडा सचिव रामकुमारी मरासिनीले गर्नुभएको थियो ।
