विशाल परियार , दाङ / १०, चैत
दाङको तुलसीपुर उपमहानगरपालिका वडा न.१८ अक्कासि टाेल बस्ने खिम बहादुर खड्काकाे घरमा विद्युत सर्ट हुँदा आगलागी भई करिब दुई लाख बराबरको क्षति भएको छ। घटनामा नगद चालिस हजार सहित विभिन्न सामग्री जलेर नष्ट भएको प्रहरीले जानकारी दिएको छ ।
स्थानीयबासीहरूको सक्रिय सहयोग तथा तुलसीपुर उपमहानगरपालिकाको दमकल प्रयोग गरी आगो नियन्त्रणमा लिइएको थियो। घटनामा धनजनको क्षति भएतापनि मानवीय क्षति भएकाे छैन।
वेलुकी करिब ६ बजे एक्कासि विद्युत सर्ट हुँदा आगलागी सुरु भएको थियो। घटनापछि स्थानीय बासिन्दाहरु तत्काल उद्दार तथा नियन्त्रण कार्यमा जुटेका थिए। आगलागी नियन्त्रणमा आइसकेपछि स्थानीय प्रशासनले घटनाको थप अनुसन्धान गरिरहेको जनाएको छ।
