तुलसीपुर / चैत ५
तुलसीपुरको गोदाम घर नजिकै आज दिउसो २ बजेको समयमा १८ वर्षीय बिनोद नेपालीलाई सामान्य विवादका कारण २ जनाले खुकुरी प्रहार गरेका छन । घटनामा बिनोद नेपालीको ढाडमा गहिरो चोट लागेको छ।
प्रहरीले दिएको जानकारी अनुसार बिनोद नेपालीलाई खुकुरी प्रहार गर्ने दुई व्यक्तिहरूको पहिचान हालसम्म खुलेको छैन र उनीहरू फरार रहेका छन ।
घाइते बिनोदलाई तत्काल राप्ती प्रादेशिक अस्पतालमा उपचारका लागि लगिएको थियो, जहाँ सामान्य उपचारपछि उनको अवस्था जटिल देखिए पछि उनलाई थप उपचारका लागि नर्सिङहोम नेपालगंज रिफर गरिएको छ।
प्रहरीले घटनामा संलग्न अपराधीहरूको खोजी गरिरहेको जानकारी दिएको छ र थप अनुसन्धान जारी रहेको जनाएको छ।
