काठमाडौँ, ४ चैत । प्रधानमन्त्री केपी शर्मा ओलीलाई गैरसरकारी संस्था महासङ्घ नेपालको नवनिर्वाचित नेतृत्वले ११ औँ महाधिवेशन तथा राष्ट्रिय नागरिक सम्मेलनबाट पारित २१ बुँदे घोषणापत्र हस्तान्तरण गरेको छ । साथै एक ज्ञापन पत्र हस्तान्तरण पनि हस्तान्तरण गरिएको छ । ज्ञापनपत्रमा सामाजिक संघ संस्थाका केही प्राथमिकताका विषय र सवालप्रति प्रधानमन्त्रीको ध्यानाकर्षण गराइएको छ ।
प्रधानमन्त्री निवास, बालुवाटारमा आज महासङ्घका अध्यक्ष अर्जुनकुमार भट्टराईसहितको टोलीले सामाजिक संस्थामैत्री नीति र कानुनको बन्नुपर्ने, नेपाल विकास सम्मेलनको आयोजना गरिनुपर्ने लगायतका मागहरु प्रस्तुत गरेको छ । सो अवसरमा प्रधानमन्त्री ओलीले नयाँ नेतृत्वलाई बधाई दिँदै सामाजिक रुपान्तरण र विकासका काममा सफलता हासिल गर्न शुभकामना दिनुभयो ।
नेपालका सामाजिक संस्थाहरु नेपालको लोकतन्त्रप्रति प्रतिवद्ध रहेको जनाउँदै पछिल्लो समय लोकतन्त्र, संघियता र परिवर्तनका विरुद्धमा देखिएका केहि घट्नाक्रमलाई महासंघले गम्भिरतापूर्वक लिएको कुरा अध्यक्ष भट्टराईले जानकारी गराउनु भयो । अतः सरकारलाई यस्ता घट्नाक्रम निरुत्साहित पार्न र जनअपेक्षा अनुरुपका ऐन, नीति, कार्याक्रम र बजेट निर्माण गर्न, शिक्षा र रोजगारी, प्रविधिमैत्री सेवासुविधा वृद्धि, अनावश्यक खर्च कटौती, कर्मचारी प्रशासन चुस्त र भ्रष्टाचारमुक्त बनाउन प्रधानमन्त्रीसँग माग गरिएको छ ।
