बिशाल बिश्वकर्मा, फागुन २७
खेलकुद गतिविधिलाई प्रवर्द्धन गर्दै तुलसीपुर उपमहानगरपालिका-६ मा रहेको डिभाइन टेम्पल विद्यालयले आफ्नै परिसरमा मिनी स्केट पार्क स्थापना गरेको छ। विद्यार्थीहरूको शारीरिक र मानसिक विकासलाई ध्यानमा राख्दै विद्यालयले उक्त पार्क निर्माण गरेको हो ।
विद्यालयका संस्थापक प्रधान्ध्यापक भोजराज न्यौपानेको अध्यक्षता भएको स्केट पार्कको स्थापना कार्यक्रममा तुलसीपुर उपमहानगरपालिका वडा नं ६ का वडा अध्यक्ष दुजमान भण्डारीको प्रमुख आतिथ्व रहेको थियो । बिशिष्ट अतिथी तुलसीपुर नगर जेसीजका अध्यक्ष सन्दिप भुसाल लगायत विद्यालयका शिक्षक शीक्षिकाको उपस्थिती रहेको थियो ।
विद्यालयका प्रधान्ध्यापक भोजराज न्यौपानेले बताएअनुसार, “विद्यार्थीहरूको शारीरिक सक्रियता बढाउन र खेलकुदमा अभिरुचि जगाउन यो स्केट पार्क स्थापना गरिएको हो । यसले उनीहरूको अनुशासन, सहनशीलता र आत्मविश्वास बढाउने विश्वास लिएको छ । ”
विद्यार्थीहरूलाई नियमित शारीरिक अभ्यास गराउन र नयाँ खेलसँग परिचित गराउन यस्ता कार्यहरू विद्यालयमा गर्न आवश्यक रहेको तुलसीपुर उपमहानगरपालिका वडा नं ६ का वडा अध्यक्ष दुजमान भण्डारीले बताएका हुन् ।
विद्यार्थीहरू पनि यो नयाँ खेल प्रति निकै उत्साहित देखिएका छन् । विद्यालयमा यस्तो नयाँ सुविधा आउँदा निकै रमाइलो लागेको र नयाँ खेल सिक्न अवसर मिलेकोमा विद्यार्थीहरू उत्साहित भएका छन् ।
विद्यालयका प्रधान्ध्यापक भोजराज न्यौपानेले आगामी बर्ष सम्म फुटसल खेल मैदान सन्चालनमा ल्याउन कार्यक्रममा प्रतिबद्धता जनाएका छन् ।
