तुलसीपुर, फागुन १७ । अश्वारा खानेपानी तथा सरसफाई उपभोक्ता समितिको अध्यक्षमा शिबहरी भण्डारी निर्वाचित भएका छन । समितिको शनिबार भएको निर्वाचनमा संयुक्त लोकतान्त्रिक प्यानलको तर्फबाट २ सय ६६ मत प्राप्त गर्दै भण्डारी अध्यक्षमा निर्वाचित भएका हुन् ।
समितिको उपाध्यक्षमा २ सय ७२ मत प्राप्त गरी आशाराम भण्डारी निर्वाचित भएका छन भने सचिवमा २ सय ६६ मत प्राप्त गर्दै दोर्ण बहादुर आचार्य निर्वाचित भएका छन् । त्यस्तै समितिको सह सचिवमा २ सय ८८ मत प्राप्त गर्दै सिर्जना शाही निर्वाचित भएकि छिन भने समितिको कोषाध्यक्ष पदका लागि होम बहादुर डाँगी निर्विरोध चयन भएका छन् ।
त्यस्तै समितिका सदस्यहरुमा डिल्ली बहादुर भण्डारी, बुद्धिराज गिरी, सुशिला कुवँर र दाधा बस्नेत निर्वाचित भएका छन् । संयुक्त लोकतान्त्रिक प्यानल र स्वतन्त्र उम्मेदवार बीच भएको प्रतिष्पर्धामा संयुक्त लोकतान्त्रिक प्यानल विजय भएको छ । निर्वाचनमा ४ सय ९१ मत खसेको थियो ।
