दाङ, ७ फागुन।
तुलसीपुर-६ मा रहेको डिभाइन टेम्पल एकाडेमीले बुधबार आफ्नो १६ औं वार्षिकोत्सव विभिन्न कार्यक्रम गरी मनाएको छ ।
विद्यालयका संस्थापक प्रधान्ध्यापक भोजराज न्यौपानेको अध्यक्षता तथा लुम्बिनी प्रदेशको पूर्व मुख्यमन्त्री माननीय डिल्ली बहादुर चौधरीको प्रमुख आतिथ्यतामा कार्यक्रम सम्पन्न भएको हो ।
कार्यक्रममा तुलसीपुर-६ का वडा अध्यक्ष दुजमान भण्डारीले विद्यालयलाई नमुना शैक्षिक संस्थाको रूपमा विकास गर्नुपर्ने र अभिभावकहरूको चासो र सहभागिता अझै बढाउन आवश्यक रहेकोमा जोड दिनुभयो ।
कार्यक्रममा अभिभावक, शिक्षक,विद्यार्थी तथा विभिन्न क्षेत्रका व्यक्तित्वहरूको उपस्थिति रहेको थियो ।
कार्यक्रममा बाेल्दै प्रमुख अतिथि चौधरीले १२ कक्षा सकेपछि बैदेशिक पलायनको योजना बनाउने भन्दा पनि शिक्षालाई स्वदेशमै टिक्न सक्ने शिक्षा दिन अहिलेकाे समयमा अति आवश्यक देखिएको बताउनुभयो ।
वार्षिकोत्सव समारोहमा चर्चित गायिक राधिका हमालले विभिन्न सांगितिक प्रस्तुति दिँदा अभिभावक विद्यार्थी उत्साहित भएर रमाएका थिए । गायिका हमालले ‘क्याम्पस पढ्न आउने’ चम्चा पिलेट जस्ता गित प्रस्तुत गर्नुभएको थियो ।
त्यस्तै विद्यार्थीहरुले पनि विभिन्न संस्कृति झल्किने नृत्य तथा सांगितिक प्रस्तुती राखेका थिए । बिद्यार्थीहरूले विभिन्न किसिमका बिज्ञान प्रदर्शनी समेत देखाएका थिए । शिक्षिका माधवा शर्मा पाेख्ररेलकाे स्वागत मन्त्वयबाट सुरु भएको कार्यक्रमकाे सहजीकरण बिद्यालयका सहायक प्रधानाध्यापक महेश लामिछाने गर्नुभएको थियाे ।
