दाङ, माघ २९
दाङको तुल्सीपुरमा ट्याक्टर अनियन्त्रित भई पल्टिँदा ४ जना भारतीय नागरिक घाइते भएका छन्। दाङको तुलसीपुर उपमहानगरपालिका वडा नम्बर ११ उरहरीचोक नजिकै तुलसीपुरबाट फूलबारीतर्फ जाँदै गरेको रा १ त १४२३ नम्बरको सरिया लोड गरेको ट्याक्टर आफै अनियन्त्रित भई पल्टन जाँदा ट्याक्टरमा सवार ६ जना मध्ये ४ जना घाइते भएका छन्।
घाइते हुनेहरुमा भारतको उत्तर प्रदेश सिद्धार्थनगर घर भई हाल तुलसीपुर उपमहानगरपालिका वडा नम्बर छ स्याउले बजार बस्ने वर्ष ४० का ओमप्रकाश लोधीको टाउको र ढाडमा सामान्य भित्री चोट लागेको छ। यस्तै वर्ष १८ का कञ्चनकुमार लोधीको मुख र बायाँ खुट्टामा सामान्य चोट लागेको छ यस्तै वर्ष २५ का बाबुलाल लोधीको दुवै हात र दायाँ खुट्टामा सामान्य चोट लागेको छ।
यस्तै वर्ष २५ का रामकृष्ण लोधीको दुवै खुट्टामा सामान्य चोट लागेको छ। घाइते सबै भारतीय नागरिक हुन् भने दुई जना सकुशल रहेका छन्।
ट्रयाक्टर चालक तुल्सीपुर उपमहानगरपालिका वडा नम्बर १६ बस्ने रामकृष्ण चौधरीलाई प्रहरीले नियन्त्रणमा लिएको छ भने अन्य अनुसन्धान भइरहेको इलाका प्रहरी कार्यालय तुलसीपुरका प्रहरी निरीक्षक सूर्य राणाले जानकारी दिएका छन्।
