काठमाडौँ —होटल र रिसोर्टमा कार्यरत सेल्स तथा मार्केटिङ स्टाफहरूको नेटवर्किङ र सहकार्यलाई सुदृढ बनाउन हस्पिटालिटी सेल्स एण्ड मार्केटिङ एसोसिएसन नेपाल ( HSMA ) गठन गरिएको छ।
काठमाडौंमा आयोजित विशेष कार्यक्रममा रोबिन्सन महर्जनको अध्यक्षतामा ११ सदस्यीय समिति पुर्ण समिति गठन भएको हो। जसको उपाध्यक्षमा सञ्जीव तुलाधर, महासचिवमा दीपक पोखरेल, सचिवमा लक्ष्मी श्रेष्ठ र कोषाध्यक्षमा गणेश बुढाथोकी चयन भएका छन् ।
सदस्यहरुमा क्रमश उमेश श्रेष्ठ, किशोर पौडेल, राजन तुलाधर, प्रभा घिसिङ, रमेश पाठक र एनी मानन्धर चयन भएका हुन् । सल्लाहकारहरूमा भने राजकुमार केसी, प्रदीप पौडेल र सुरेश श्रेष्ठलाई चयन गरिएको छ। समितिको कानुनी सल्लाहकारमा गणेश कुावर चयन भएको महासचिव दीपक पोखरेलले जानकारी दिए।
अध्यक्ष महर्जनका अनुसार एसोसिएसनले होटल तथा रिसोर्टमा कार्यरत सेल्स तथा मार्केटिङ स्टाफहरू बीच जानकारी आदानप्रदान गर्न र सहकार्यलाई प्रोत्साहन गर्न सहयोग गर्नेछ। महर्जनले भने, “एसोसिएसनको मुख्य उद्देश्य पर्यटन प्रवर्द्धन गर्नु, संस्थाका सदस्यहरु बीच बलियो सम्बन्ध स्थापना गर्नु र सामूहिक विकास तथा प्रगतिलाई सुनिश्चित गर्नु हो।”
