तुलसिपुर,२५ माघ
दाङको तुलसीपुरमा जारी सर्वाधिक राशिकाे अन्तर वडा स्तरिय रनिङ शिल्ड फुटबल प्रतियाेगिता २०८१ को उपाधिका लागि वडा नं ६ ले प्राप्त गर्न सफल भएको छ ।
तुलसिपुर उपमहानगरपालिका वडा नम्बर ६ काे आयाेजना तथा युथ अफ तुलसीपुर र मदन भण्डारी युथ क्लबको सहकार्यमा अरनिको मैदान तुलसिपुरमा संचालित प्रतियोगिताको फाईनल खेल आज शुक्रबार दिउँसो २ बजे देखि सुरु भएको थियो।
आज शुक्रबार सम्पन्न फाइनल खेलमा वडा नम्बर ८ लाई ४-० गोलले पराजित गर्दै वडा नं ६ ले उपाधी प्राप्त गरेको हो ।
प्रतियोगिताको बिजेता तुलसीपुर उप महानगर पालिका वडा नं ६ ले नगद २ लाख ६६ हजार ६ सय ६६ र चाँदीको रनिङ शिल्ड प्राप्त गरेको छ भने उपबिजेता तुलसिपुर उपमहानगर पालिका वडा नं ८ को टिमले १ लाख ६६ हजार ६ सय ६६ नगद सहित कप, मेडल र प्रमाणपत्र प्राप्त गरेको छ ।
माघ १९ गते देखि संचालित प्रतियोगितामा तुलसीपुर उपमहा नगरका १९ वडा मध्य १६ वडाका टिमको सहभागिता रहेको थियो ।
त्यस्तै ब्यक्तिगत बिधा तर्फ सर्वोत्कृष्ट हुने खेलाडी हरिहर बुढा लाई नगद ८ हजार, ट्रफी र प्रमाणपत्र प्रदान गरिएको छ । त्यस्तै उत्कृष्ट गोल रक्षक तुलसिपुर ६ का प्रतित शेर्पाइली , सर्वाधिक गोलकर्ता तुलसिपुर ६ का सागर गन्धर्व, उत्कृष्ट मध्यपंक्ति तुलसिपुर ८ का राज बहादुर बस्नेत, उत्कृष्ट प्रशिक्षक तुलसिपुर ६ का कमल लामिछाने र उत्कृष्ट डीभेन्स तुलसीपुर ६ का अनिश रसाइली लाई क्रमशःनगद ५ हजार पुरस्कार तथा प्रमाणपत्र सहित सम्मान गरिएको थियो ।
