तुलसीपुर १७ माघ । गुरुकुल एकेडेमी तुलसीपुरले प्रथम वार्षिक उत्सव तथा अभिभावक भेला एक कार्यक्रमको आयोजना गरी सम्पन्न गरेको छ। कार्यक्रममा पुर्व राष्ट्रिय सभा सदस्य कोमल वली प्रमुख अतिथिका रूपमा उपस्थित हुनुभएको थियो । उत्सवमा विद्यालयका विद्यार्थीहरूले सांस्कृतिक कार्यक्रम, गीत, नृत्य र नाटक प्रस्तुत गरेर आफ्नो कला र क्षमता देखाएका थिए। यस अवसरमा कोमल वलीले विधार्थीहरुलाई होसला प्रदान गर्दै शिक्षा र संस्कृति बीचको समन्वयको महत्वलाई जोड दिनुभएको थियो। आजको युगमा शिक्षा मात्र महत्वपूर्ण छैन, संस्कृतिका संरक्षण र संवर्धनमा पनि हाम्रो कर्तव्य महत्त्वपूर्ण छ, उहाँले आफ्नो सम्बोधनमा भन्नुभयो ।
कार्यक्रमको प्रमुख अतिथि समेत रहनुभएकि वलीले गुरुकुल एकेडेमी तुलसीपुरमा पहिलो पटक आज अवलोकन गर्ने मौका पाएको र सहि अवसरमा विद्यार्थीको प्रस्तुति हेर्दा अभिभावकहरुले पनि हौसला प्रदान गर्नुपर्ने बताउनुभएको थियो । साथै उँहाले आफ्ना बालबालीकाहरुलाई अनावश्यक रुपमा पढाको चाप दिन नहुने बताउनुभएको थियो । विद्यार्थी जुन क्षमता छ त्यसैमा अभिबृद्धि गर्दै लैजानुपर्ने बताउनुभएको थियो । गुरुकुल एकेडेमी तुलसीपुरका प्रधानाध्यापक मुकुन्द गिरीले गुरुकुल एकेडेमीले जुन लक्ष राखेर विद्यालय संचालनमा ल्याएको छ त्यो लक्ष्य कटिबद्ध भएर पुरा गर्ने बताउनुभयो । साथै जुन विश्वासका साथ अभिभावकले आफ्ना बालबालीकाहरु विद्यालयमा पठाउनुभएको छ त्यो विश्वासलाई मध्यनजर राख्दै पुर्ण मानव बनाउने र शिक्षा संगै संस्कार र संस्कृतिमा पनि विद्यार्थीलाई अब्बल बनाउने बताउनुभयो । यस्तै कार्यक्रमका विशिष्ट अतिथी नेशनल प्याबसन दाङका अध्यक्ष भोजराज न्यौपानेले विधालयले विधार्थीको आवश्यकता अनुसारको पढाई सञ्चालन गरेको बताउनु भयो । उहाले विद्यालयले छोटो समयमै शिक्षाका क्षेत्रमा राम्रो प्रगति गरेको बताउनु भयो । यस्तै कार्यक्रममा विद्यार्थी सहित गुरुकुल एकेडेमी घोराहीको प्रधानाध्यापक डा . कृष्णराज डिसि ,जेष्ठ नागरीक समुह दाङका सदस्य ललीत बहादुर वली लगायतले शुभकामना मन्तब्य राख्नुभएको थियो । गुरुकुल एकेडेमीका अध्यक्ष ई. अनन्तराज घिमिरेको अध्यक्षतामा भएको कार्यक्रममा विधालय संयोजक चिन्तना धितालले स्वागत मन्तब्य राख्नुभएको थियो भने कार्यक्रमको सहजिकरण शिक्षकहरु बासुदेब योगि ,श्रृजना बोहोरा र विधार्थीहरु मार्शल वली सिमरण सुनारले गर्नुभएको थियो ।
