- आजाद खड्का
शेरा दरबार र त्यसले चर्चेका जग्गा तत्कालीन राजा महेन्द्रका भाइ बसुन्धराकी पत्नी हेलेन शाह र विजय राज्यलक्ष्मी शाहको अंशमा परेको थियो।
२०२७ फागुन २८ मा स्थापित गौरी शंकर फार्मिङ नामक संस्था २०३६ असार १ को निर्णयपछि अन्नपूर्ण फार्मिङमा परिणत भएको देखिन्छ। शेरा दरवारकाे जग्गा यहि कम्पनीकाे नाममा छ।
३.याे जग्गा कहिले र कसरी कम्पनीकाे नाममा नापी भएकाे हाे?
-भूमिसुधार ऐन आएपछि हदबन्दीका कारण व्यक्तिका नाममा नापी हुन नसकेपछि सो जग्गालाई गौरीशंकर फार्मिङको नाममा नापी गराइएको थियो। सुरुमा २०३५ फागुन १२ गते शेरा दरबार र सो दरबारले चर्चेको कि.नं. ८२, ८३, ८४, ८७, ८८, ८९, ९०, ९२, ९३, ९४, ९५, ९७ र ९८ को १६४–१३ –०२–०१ क्षेत्रफल जग्गा गौरीशंकर फार्मिङका नाममा नापी भएको नापी कार्यालय नुवाकोटको अभिलेखबाट देखिन्छ।
४.गाैरी शंकर फार्मिङकाे स्थापना कहिले भएकाे हाे?
-गाैरी शंकर फार्मिङकाे स्थापना २०२७ फागुन २८ गते भएकाे देखिन्छ।
५.गाैरी शंकर फार्मिङकाे नाममा शेयर धनी काे भिए?
-शेरा दरबारको जग्गा गौरी शंकर फार्मिङको नाममा नापी भए पनि त्यसको सञ्चालक र सेयरधनी हेलेन शाह र विजया राज्यलक्ष्मी शाह नै थिए।
६. अहिले कम्पनीकाे नाम के छ?
-गाैरी शंकर फार्मिङकाे नाम २०३६ असार १ गतेकाे निर्णयवाट अन्नपूर्ण फार्मिङमा परिणत गरेकाे र अहिले सम्म कम्पनीको नाम यथावत छ।
७.लालपुर्जामा नाम कहिले सच्याइयाे?
-२०४४ असार ११ गतेको तोक आदेशले मालपोत कार्यालयको श्रेस्तामा गौरी शंकरलाई काटेर अन्नपूर्ण फार्मिङ उल्लेख गरिएको थियो।
८.शेयर खरिद विक्री कहिले देखि भयाे?
•पहिलाे पटक
-२०५२ सालसम्म विजया राज्यलक्ष्मी शाहको नाममा रहेको उक्त कम्पनीको सेयर जयन्ती शाहको नाममा गएको देखिन्छ।
• दाेस्राे पटक
२०५२ सालमा हेलेन शाह र जयन्ती शाहको नाममा रहेको उक्त कम्पनीको सम्पूर्ण सेयर नरेन्द्रलाल प्रधान, केदारनाथ श्रेष्ठ, सजनी श्रेष्ठ, सोहीनी श्रेष्ठ गरी चारजनाको नाममा हस्तान्तरण भएको थियो।
• तेस्राे पटक
अन्नपूर्ण फार्मिङकाे २०७२ चैत्र ५ गते भएकाे साधारणिभाकाे निर्णय र २०७३ असार ३ मा सेयर दाखिला खारेजीको निणर्यले विकेश श्रेष्ठको नाममा ५ लाख ६७ हजार ५ सय कित्ता सेयर ५ करोड ६७ लाख ५० हजार रूपैयाँमा किनबेच भएको देखिन्छ।
-त्यसैगरी अजयकुमार सूर्यवंशीको नाममा पनि सेयर रहेको छ। उनका नाममा ४ लाख ६० हजार ४१० कित्ता सेयर ४ करोड ६० लाख ४१ हजार रूपैयाँमा किनबेच भएको देखिन्छ। त्यसैगरी नुवाकोट विदुर न.पा. वडा नं.४ बस्ने ध्रुवलाल श्रेष्ठका नाममा सेयर कित्ता संख्या ४५ हजार ४५ लाख रूपैयाँमा किनबेच भएको देखिन्छ।
-यसैगरी काठमाडौं नागार्जुन न.पा. वडा नं. ७ बस्ने सुमन पारिकको नाममा सेयर कित्ता संख्या ४५ हजार ४५ लाख रूपैयाँमा किनबेच भएको देखिन्छ। यी चारजनाको नाममा ११ करोड १७ लाख, ९१ हजार सेयर खरिदबिक्री भई जग्गा कम्पनीको नाममा लगेको देखिएको छ। २०८० मंसिर १० गतेसम्म उनीहरूमध्ये विकेश र अजय यथावत रही विकेशका छोरा मनोवल श्रेष्ठका नाममा ९० लाख रूपैयाँमा ९० लाख सेयर कित्ता बनाएर उनलाई नयाँ सेयरधनी बनाइएको थियो।
९. हाल अन्नपूर्ण फार्मिङका शेयरधनी कति छन्?
-यस फार्मिङको सेयरधनी विकेश र अजय कुमार सुर्यवंशी र विकेशका छोरा मनोवल श्रेष्ठका गरी तीनजना मात्र रहेका छन्।
aazadnp@gmail.com
