दाङ १३ कार्तिक । न्यू स्टार बोडिङ स्कुलले विधालयमा देउसी भैलो कार्यक्रम सम्पन्न गरेको छ । न्यू स्टार बोडिङ स्कुलको आयोजनामा देउसी भैलो कार्यक्रम सम्पन्न भएको हो ।
विधालयका प्रीन्सिपल शरण जिएमको सभाध्यक्ष तथा विधालय व्यवस्थापन समितिका सदस्य विष्णु धितालको प्रमुख अतिथिमा कार्यक्रम सम्पन्न भएको हो । कार्यक्रममा विधार्थीहरुले भाईटीका लगाएका थिए भने देउसी भैलो खेलेका थिए ।
प्रमुख अतिथि धितालले पहिले नेपालको “मौलिक विशेषता” मानिने कतिपय सांस्कृतिक गतिविधिहरू अहिले हराउन थालेका छन् भने नयाँ क्रियाकलाप हुन थालेका छन्। केही नेपाली मौलिक परम्परा अन्य सभ्यता र संस्कृतिमा फैलिएको पनि देखिएको उनको भनाइ छ।
त्यस्तै कार्यक्रमका सभाध्यक्ष जि.एमले सूर्यका छोरा यमराजले आफ्नी बहिनी यमुनाको निम्तो स्वीकार गरी बहिनीका घरमा गई रमाइलो मनाएको हुँदा यी पाँच दिनलाई यमपञ्चक मानिएको कुरा हिन्दू शास्त्रमा उल्लेख भएको बताए । यसरी रहँदा–बस्दा यमुनाको व्यवहारले निकै प्रसन्न भई यमराजले बहिनी यमुनालाई “जे मन लाग्छ वर माग“ भन्दा यमुनाले “हरेक वर्ष आजकै दिन मलाई भेट्न आउनुपर्ने, साथै दिदी–भाइ दाजु–बहिनीको प्रेम सदा अटल रहोस् र दाजु भाइको आयू, कीर्ति सदा वृद्धि होस्“ भन्ने वरदान मागिन्। यमराजले पनि तथास्तु भन्दै मनसा, वाचा, कर्मणा र शुद्धचित्तले यस प्रकारसँग भ्रातृपूजा गर्ने गराउनेहरूको सदा उन्नति हुने तथा कीर्ति पनि फिँजिने वर दिई आफ्नी बहिनीसँग बिदा भई गएको र यसरी प्राचीन काल देखि अहिलेसम्म अविच्छिन्नरूपले यो पर्व मानिँदै आएको परम्परा छ । तिहारले एकातिर मानव तथा पशुबीचको प्रगाढ सम्बन्धको चित्र प्रस्तुत गर्छ भने अर्का्तिर दाजुभाइ तथा दिदीबहिनी बीचको आत्मीय र पवित्र स्नेह एवं सम्बन्धलाई पनि यसले छर्लङ्ग पार्दछ ।
