भदौ १९ तुल्सीपुर
आज भदौ १९ गते तुल्सीपुरका मेयर टिकाराम खड्का काठमाडौँका मेयर बालेन शाहको शैलीमा फुटपाथ खाली गर्न एका बिहानै तुलसीपुर बजारमा उत्रिएका थिए। मेयर टिकाराम खड्का र उपमेयर स्यानी चौधरीको नेतृत्वमा ट्राफिक प्रहरी, नगर प्रहरी र जनपद प्रहरीको सहयोगमा फुटपाथ खाली गरिएको थियो ।
तुलसीपुरका विभिन्न मुख्य सडकहरुमा फुटपाथ मिचेर गरिएको व्यापारले दुर्घटना बढाएको तथा सडक असभ्य देखिएको भन्दै फुटपाथ खाली गरिएको मेयर टिकाराम खड्काले बताएका छन ।
आज भदौ १९ गते तिज पर्व लक्षित बजार अनुगमन तथा फुटपाथमा व्यापार गरिरहेका हरूलाई फुटपाथमा व्यापार नगर्न सूचना दिने उद्देश्य सहित बजारमा गएका जनप्रतिनिधि लगायत सुरक्षाकर्मीहरूको टोलीले आग्रह गर्दा अराजक शैलीमा प्रस्तुत हुने व्यापारी हरूको सामान समेत बरामद गरेको थियो ।
आगामी दिनमा पनि फुटपाथ मा व्यापार गरिएको पाइएमा बिना पूर्व सूचना उपमहानगरपालिका ले सामान बरामद गर्न सक्ने हुँदा फुटपाथका व्यापारीहरूलाई समयमै फुटपाथमा व्यापार नगर्न मेयर टिकाराम खड्काले अनुरोध समेत गरेका हुन ।
