भदौ, १५, तुलसीपुर
दाङको तुलसीपुरमा सन्चालित सयपत्री दोहोरी घरले मौलिक संस्कृतीमा रमाउदै आज शनिबार तिज मिलन तथा दर खाने कार्यक्रम सम्पन्न गरेको छ । तुलसीपुर उपमहानगरपालिका वडा नं ५ स्थित जनश्रमिक प्रा.वि, गैरापातुमा एक कार्यक्रम गरी तिज मिलन तथा दर खाने कार्यक्रम सम्पन्न गरेको हो ।
पछिल्लो समय तिज चाडमा निस्कने तिजलाइ नै बिर्सिएका तिज गीत र दर खाने नाममा गरिने तडकभडकले तीज चाडको महिमा नै गुम्ने अवस्थामा पुगेको समयमा सयपत्री दोहारी घरले यसरी मौलिक तरिकाले तिज मिलन तथा दर खाने कार्यक्रम आयोजना गरी समाजमा उदाहरणीय काम गरेको छ । राष्ट्रिय संगीतकर्मी संघ लुम्बिनी प्रदेश उपाध्यक्ष उषा दसौदीको प्रमुख आतिथ्यता, साथै पत्रकार दिपक बोहराको बिशिष्ट आतिथ्यतामा सम्पन्न कार्यक्रमको सभाध्यक्षता बैशाखी बोहराले गर्नुभएको थियो ।
पछिल्लो समयमा तिज र खर खाने कार्यक्रमको नाममा गरिने तडकभडकलाइ छिचोल्दै मौलिक तरिकाले तिज मिलन तथा दर खाने कार्यक्रम आयोजना गरि तिज पर्व र दर खाने परम्परागत संस्कृतीलाई जगेर्णा गरेको भन्दै अतिथि गण लगायत उपस्थित स्थानीयहरुले सयपत्री दोहोरी घरको चौतर्फी प्रशंसा गरेका भिए । कार्यक्रममा डि.जे साउन्ड सिस्टमलाइ निषेध गर्दै मौलिक लोकबाजाहरु जस्तै ः मादल, बाँसुरी, खैँजडी को प्रयोग गरिएको थियो भने दरको रुपमा खाइने खानालाइ पनि मासु, रक्सी जस्ता खानालाइ निषेध गर्दै अचार, तरकारी लगागत का खाना खुवाइएको थियो ।
उक्त तिज मिलन तथा दर खाने कार्यक्रममा सयपत्री दोहोरी घरले पछिल्लो समयमा फोक्सोमा पानी जमेर बिरामी भई हाल बिर अस्पतालमा उपचाररत कमला ओलीलाइ रु.७८१० रुपैँया सहयोग पनि गरेको थियो ।
रमेश जैशीको स्वागत मन्तव्यबाट सुरु भएको कार्यक्रमको सहजीकरण भिम वली एस.बी ले गर्नुभएको थियो ।
