भदौ ८ दाङ । दाङको तुलसीपुर स्थित डिभाइन टेम्पल एकेडेमीले कक्षा ११ का नयाँ विद्यार्थीहरुलाइ स्वागत कार्यक्रम गरेको छ । डिभाइन टेम्पल एकेडेमीमा कक्षा १२ मा अध्यनरत विद्यार्थीहरुको आयोजनामा आज लमहीमा रहेको सिद्दार्थ होटेलमा एक भब्य कार्यक्रमको आयोजना गरि स्वागत गरिएको हो ।
डिभाइन एजुकेसन फाउन्डेसनका संस्थापक भोजराज न्यौपानेको अध्यक्षता तथा लुम्बिनी प्रदेशका पुर्व स्वास्थ्य मन्त्री एवम लुम्बिनी प्रदेश सभा सदस्य राजु खनालको प्रमुख आतिथ्यतामा कार्यक्रम भएको हो । त्यस्तै बिशिस्ट अतिथीमा नेशनल प्याब्सन दाङका सल्लाहकार बिक्रान्त ज्ञवालि रहनुभएको थियो । कार्यक्रमलाई सम्बोधन गर्दै प्रमुख अतिथि राजु खनालले विद्यार्थीहरुलाइ कक्षा १२ पास पछि बिदेश जाने लहरलाई रोकेर आफ्नै देशमा केही गर्न सुझाव दिनुभयो ।
हरेक क्षेत्रमा ब्यबस्थापनको महत्त्व रहेको र देश तथा बिदेश जुनसुकै ठाउमा गएपनी ब्यबस्थापन सम्बन्धि ज्ञान आबश्यक पर्ने उहाले बताउनुभयो । पछिल्लो समय संस्कार र प्रविधि सहितको शिक्षा संगै आफ्नो भाषा, धर्म, संस्कृति, आदिलाई जोड दिएर डिभाइन टेम्पलले विभिन्न गतिविधिहरु गरिरहेको देखेको र यस्ता खालका क्रियाकलापहरुलाइ निरन्तरता दिनेमा आफुले बिश्वास लिएको प्रमुख अतिथी खनालले बताउनुभयो ।
त्यस्तै डिभाइन एजुकेसन फाउन्डेसनका संस्थापक भोजराज न्यौपानेले कलेजमा आएका नबआगन्तुक विद्यार्थीहरुलाइ स्वागत गर्दै २ बर्षको अबधिमा डिभाइन टेम्पलमा रहुन्झेल विद्यार्थीहरुको सिकाइमा कुनै कुराको कमि हुन नदिने बताउनुभयो । विद्यार्थीहरुले फरकपन महसुस गरून र होटेल ब्यबस्थापन लगाएतका विद्यार्थीहरुलाइ अध्यन अबलोकन होस भन्ने उद्देश्यले तुलसीपुर बाट लमहिमा ल्याएर कार्यक्रम गरिएको उहाले बताउनुभयो ।
विद्यालयका कक्षा ११/१२ का संयोजक जिबन लामिछानेको स्वागत मन्तव्य बाट सुरु भएको कार्यक्रमको सहजीकरण विद्यालयका सहायक प्रधानाध्यापक महेश लामिछानेले गर्नुभएको थियो ।
