भदौ ५ / तुलसीपुर
दाङको तुलसीपुरबाट सन्चालित सयपत्री दोहोरी घरले आफ्नो तेस्रो बार्षिकोत्सव एक कार्यक्रमका बिच सम्पन्न गरेको छ ।
तुलसीपुर उपमहानगरपालिका वडा नं ५ कि वडा सदस्य तथा तुलसीपुर उपमहानगरपालिका न्यायिक समिति सदस्य लालमती भण्डारीको प्रमुख आतिथ्यतामा बार्षिकोत्सव कार्यक्रम सम्पन्न भएको थियो । यस्तै विशिष्ट अतिथिमा तुलसीपुर उपमहानगर पालिका कि कार्यपालिका सदस्य बसन्ता के.सी , बाध्यबाधक बच्चु कैलाश को आतिथ्यता थियो भने अतिथिहरूमा राष्ट्रिय संगीतकर्मी संघ सल्यान जिल्लाका अध्यक्ष चूडामणि पि.एम लगायत का अतिथिहरूको उपस्थिति रहेको थियो ।
समाजमा दुख अप्ठेरो परेका , सहयोगको अपेक्षा गरिरहेका व्यक्तिहरू लाई संस्थाले सहयोग गर्ने मुल उद्देश्य सहित आज भन्दा ३ बर्ष अघि तुलसीपुर बाट सन्चालित सयपत्री दोहोरी घर पछिल्लो समयमा पनि दिनदुखि हरूको साथमै रहेको सभाध्यक्ष दिपक वली ले बताउनुभयो । स्थापना कालको ३ बर्ष भित्र सयपत्री दोहोरी घरले बिभिन्न सहयोगी दाताहरूको सहकार्य एवम समन्वयमा करिब १ करोड बराबारको सहयोग गरेको अध्यक्ष दिपक वलीले बताउनुभयो । हालसम्म संस्थाले कोरोना कालमा कालिकोट, जुम्ला लगायत दाङमा राहात वितरण गरेको थियो यस्तै । शान्तिनगर ३ मा एकजना को आवास निर्माण , तुलसीपुर १६ मा दुवै मृगौला पिडित हरिमाया बि.क को आवास निर्माण, क्यान्सर पिडित लोक बहादुर बि.क लगायतलाई सहयोग गरिसेकेको छ । यस्तै जाजरकोटमा गएको भुकम्पको बेला पनि संस्थाले बिशेष पहल गर्दै लाखौँको सहयोग वितरण गरेको थियो ।
सयपत्री दोहोरी घरका अध्यक्ष दिपक वली को अध्यक्षता एवम् संस्थाका सदस्य रमेश जैसी को स्वागत मन्तव्य तथा राष्ट्रिय संगीतकर्मी संघ दाङ जिल्ला सदस्य मोती बि.क को स्वागत गीतबाट सुरू भएको कार्यक्रम को सहजीकरण संस्थाका सचिव भिम वली ( एस.बी ) ले गर्नुभएको थियो ।
