तुलसीपुर, भाद्र १,
सहायता केन्द्र नेपालले दोस्रो साधारण सभा शनिवार सम्पन्न गरेको छ । साधारण सभामा सहायता केन्द्र नेपालको सचिव मुना वि.क ले बार्षिक प्रगति प्रतिवेदन र कोषाध्यक्ष दुबिसर वलीले बार्षिक आथिर्क प्रतिवेदन प्रस्तुत गरेको हुन । प्रगति प्रतिवेदन प्रस्तुत गर्दै सचिव मुना वि.क ले यस संस्थाबाट आगामि दिनमा मर्यादित महिनावारी तथा बालबालिका हकहितका बारे कार्यक्रमहरु गर्ने सभामा बताएकी हुन ।
सहायता केन्द्र नेपालको दोस्रो साधारण सभाको अवसरमा किशोर किशोरीको वर्तमान अवस्थाको चुनौती तथा समस्याको बिषयमा अन्तरक्रिया कार्यक्रम राखिएको थियो । उक्त कार्यक्रम लुम्बिनी प्रदेश सभा सदस्य माननिय लोका कुमारी वि.क को प्रमुख आतिथ्यमा भएको हो । कार्यक्रममा उनले किशोर किशोरीको वर्तमान अवस्थाको समस्या र चुनौतीहरु समाधान गर्नको लागि सरकारमा पहल गर्ने बताएकी हुन । उनले किशोर किशोरीहरुलाई सदैव आगाडी बढ्न र उज्ज्वल भविष्यको शुभकामना दिएकी हुन् ।
उक्त कार्यक्रममा बिशिष्ट अतिथिका रुपमा तुलसीपुर उपमहानगरपालिकाको वडा नं १८ का वडा अध्यक्ष माधव वली ,मानव अधिकार तथा शान्ति समाजका निवर्तमान केन्द्रिय बरिष्ठ उपसभापति शुसिल बस्नेत, मा वि दोघरे कि प्रध्यानाध्यापक सुनिता यादव र अतिथिका रुपमा अपाङ्ग समाज सुधार केन्द्रका संस्थापक अध्यक्ष हुमकान्त कंडेल, तुलसी समाज केन्द्रका अध्यक्ष गणेश भण्डारी, स्वतन्त्र युवा कलवका अध्यक्ष सन्दिप लामिछाने लगायतको उपस्थिती रहेको थियो ।
कार्यक्रममा तुलसीपुर उपमहानगरपालिकाको प्रवक्ता माधव वलीले कार्यक्रममा उपस्थित किशोर किशोरीको वर्तमान अवस्थाको समस्या र चुनौतीहरु समाधान गर्नका लागि तुलसीपुर उपमहानगरपालिकाको तत्पर रहेको बताएको हुन ।
उक्त कार्यक्रममा सहायता केन्द्र नेपाल संस्था द्वारा संचालित प्रादेशिक अस्पताल तुलसीपुरमा सोधपुछ कक्ष्यमा निशुल्क स्वयंमस्विका गरी रहेकाहरुलाई सम्मानित गरिएको हो ।
सहायता केन्द्र नेपालका सहसचिव अविषेक दाहालको स्वागत मन्तव्य बाट सुरु भएको कार्यक्रममा सहायता केन्द्र नेपालका अध्यक्ष खेमराज वि.कले समापन गरेका हुन ।
साधारण सभाको अवसरमा राखिएको किशोर किशोरीको वर्तमान अवस्थाको समस्या र चुनौतीहरु बारे कार्यक्रमको सहजीकरण सहायता केन्द्र नेपालको सचिव मुना वि.क ले गरेकी हुन ।
