तुलसीपुर, ३० साउन । २५औ अन्तर्राष्ट्रिय युवा दिवसको अवसरमा सप्ताहव्यापी कार्यक्रम अन्तर्गत आज युवासँग उधमशिलताको विषयमा अन्तरक्रिया कार्यक्रम सम्पन्न भएको छ । तुलसीपुर नगर स्तरीय युवा सञ्जाल र तुलसीपुर उद्योग वाणिज्य संघको आयोजनामा भएको कार्यक्रममा नगर युवा सञ्जालका अध्यक्ष ओद बहादुर भण्डारीको अध्यक्षतामा भएको थियो । तुलसीपुर उद्योग वाणिज्य संघका अध्यक्ष विनिल केसीको विशिष्ट आतिथीमा कार्यक्रम सम्पन्न भएको हो ।
“दिगो विकास लक्ष्यमा प्रगति र समृद्धि, डिजिटल प्रबिधिमा युवा पहुँच अभिवृद्धि” भन्ने नारासहित युवा उद्यामशिलता विषयमा भएको अन्तरक्रियामा तुलसी सामाजिक विकास केन्द्र, लायन्स क्लव अफ दाङ क्यापिटल, सक्सेस एजुकेसन कन्सलटेन्सी र तुलसीपुर उपमहानगरपालिकाको सहकार्य रहेको थियो ।
नगर स्तरिय युवा सञ्जालकी सदस्य प्रकृति पुनको स्वागत मन्तव्य राख्दै युवा एक विकासको नयाँ धारण ल्याउने पक्ष हो । आफ्नो अमुल्य समयलाई उचित व्यवस्थापन गर्ने, निश्चित लक्ष्य लिने, आफुले स्वत्रन्त रुपमा निर्णय लिने,आफ्नो पेसालाई निरन्तरता दिने, सधै सकारात्मक सोच लिएर अगाडि बढ्ने बताउनु भएको थियो । कार्यक्रमलाई सफल बनाउन सहयोग गर्ने तुलसीपुर उपमहानगरपालिकाका सूचना अधिकृत बाबुराम न्यौपाने, तुलसी सामाजिकविकासकेन्द्र, सक्सेस एजुकेसन कन्सलटेन्सी, भिम प्रकाश वली लगायतका व्यक्तिहरूलाई प्रशंसा पत्र सहित सम्मान गरिएको थियो ।
कार्यक्रमका विशिष्ट अथिति एवम् उद्योग वाणिज्य संघका अध्यक्ष बिनिल केसीले उद्यमशिलतालाई बढि फोकस गर्दै हाल नेपालमा एउटा अर्थतन्त्र बलियो पार्ने काम गर्न र तुलसीपुरमा ३ हजार ७०० व्यवसायीहरु रहेको बताउनुभयो । साथै तुलसीपुरमा विभिन्न प्रकारका उद्योग सम्बन्धी कार्य गर्न, व्यवसाय नवीकरण गर्ने जस्ता कार्यमा सहजीकरण गर्न उद्योग वाणिज्य संघले मद्दत गर्दछ । त्यस्तै अध्यक्ष केसीले तीन बर्षको लक्ष्यमा सुन्दर तुलसीपुर समृद्ध तुलसीपुर, उद्यमशिलता शाला खोल्ने प्रतिबद्दता दिनुभएको थियो ।
कार्यक्रमका सभाध्यक्ष ओद बहादुर भण्डारीले व्यक्तिले आफैलाई बिश्वास गर्न सके मात्र हरेक क्षेत्रमा सफल र सहज तरिकाले काम गर्ने सक्ने र सफल हुने बताउनु भयो । कार्यक्रमको सहजीकरण युवा सञ्जालकी सचिव प्रेरणा परियारले गर्नु भएको थियो ।
