नपढेर ठिकै भो बरु शब्दको भारी खेप्नु परेन ,
खाडी को कमाईले घर बन्यो ,पढाईको ॠण त चेप्नु परेन ,
सर्टिफिकेटको पाना को काम छैन भन्छन मेरो देशमा ,
लुकायो पढेको साथीले अनुहार बदलाव छैन उसको भेषमा
पढेको भए भर्खरै मेरो पढाइ सकिन्थ्यो , घोकेको शब्दको दम सकिन्थ्यो , बाले घोटेको हाडको धुलो सकिन्थ्यो , आमाको कान रित्तो हुन्थ्यो , थाकेको शरीर र भोको सपना जागिरको लागि घस्रन्थ्यो , सरकारको त ध्यान म तिर हुन थिएन , निजि कार्यालयमा मेरो प्रमाणपत्र बिसाउँथ्यो ।।
बरु खाडी प्यारो भो, दलाललाई टन्न पैसा दिए ,
मेनपावर दलका नेताको रैछ , उनी प्रसन्न थिए
म बिचाँरो अब उड्न लाग्दै थिये , नेताको भाषण सुने ,
विदेश जानू पर्दैन रे, एकैछिन खोक्रो आश्वासन सुने ,
देवेन्द्र लुइँटेल
खोटाङ
