काठमाडौ । बालमैत्री नेपाल र बाल समता नेपालको संयुक्त आयोजनामा मंगलबारबाट ७ दिने बाल उद्घोषण तालिम समापन भएको छ । नेतृत्व तथा क्षमता विकासका लागि बालबालिकाहरुको सहभागिता अभिवृत्ति गर्नका लागि तालिम आयोजना गरिएको बालमैत्री नेपालले जनाएको छ ।
७ दिने बाल उद्घोषण तालिमको समापन समारोह बालमैत्री नेपालका अध्यक्ष क्षितिज पौडेलको अध्यक्षातामा भएको थियो भने कार्यक्रममा प्रमुख अतिथिको रुपमा राष्ट्रिय बाल अधिकार परिषद्का उपाध्यक्ष बम वहादुर बानियाँ रहनुभएको थियो । कार्यक्रममा विशेष अतिथिको रुपमा बालबालिका शान्ति क्षेत्र राष्ट्रिय अभियन्का महासचिव तथा राष्ट्रिय युवा परिषदका कार्यकारी सदस्य तिलोत्तम पौडेल रहनुभएको थियो ।
कार्यक्रममा तालिमका प्रशिक्षार्थी जयन्ता खत्रीले यो कार्यक्रमले गर्दा आफूमा अझ बाल अभियान्ताका रुपमा आउनका लागि सहयोग पुगेको भन्नू भयो । यो कार्यक्रम भर्चुअलको माध्यमबाट पनि धेरै कुरा सिक्न सकेको जानकारी दिनु भयो । कार्यक्रमको प्रशिक्षक देवेन्द्र लुइँटेलले गर्नु भएको थियो भने कार्यक्रम सहजीकरण बाल समता नेपालको उपाध्यक्ष पवित्रा विश्वकर्माले गर्नु भएको थियो ।
