काठमाडौ । बालमैत्री नेपाल र बाल समता नेपालको संयुक्त आयोजनामा मंगलबारबाट ७ दिने बाल उद्घोषण तालिम सुरु भएको छ । नेतृत्व तथा क्षमता विकासका लागि बालबालिकाहरुको सहभागिता अभिवृत्ति गर्नका लागि तालिम आयोजना गरिएको बालमैत्री नेपालले जनाएको छ । तालिम अन्लाईन माध्यमबाट हरेक दिन बेलुका साझँ ७ बजे देखी ९ बजे सम्म सञ्चालन हुनेछ ।
तालिममा देश भरी बाट अनलाईन फारम मार्फत आवेदन दिएर छनोट भएका १५० जनाको आवेदन आएको थियो । देशभरबाट प्राप्त करिब ५०० आवेदन बाट छनोट भएका बालबालिकाहरुलाई तालिममा सहभागि गराईएको बालमैत्री नेपालका अध्यक्ष क्षितिज पौडेलले जानकारी दिनुभयो ।
७ दिने बाल उद्घोषण तालिमको उद्घाटन समारोह बालमैत्री नेपालका अध्यक्ष क्षितिज पौडेलको अध्यक्षातामा भएको थियो भने कार्यक्रममा प्रमुख अतिथिको रुपमा राष्ट्रिय बाल अधिकार परिषद्का सदस्य सचिव इन्द्रादेवी ढकाल रहनुभएको थियो । कार्यक्रममा विशेष अतिथिको रुपमा, अधिवक्ता सुनित त्रिपाठी, अतिथिहरु तुलसिपुर उपमहानगरपालिका महिला तथा सामाजिक विकास शाखा प्रमुख माया श्रेष्ठ, तुलसीपुर उपमहानगरपालिका वडा नं १९ का वडा सदस्य राम बहादुर पैडेललगायत रहनुभएको थियो । तालिमको प्रशिक्षक देवेन्द्र लुइँटेलले गर्नु भएको थियो भने कार्यक्रम सहजीकरण पवित्रा विश्वकर्माले गर्नु भएको थियो ।
