आऊ हामी बनाउ
सम्बन्धको एक बलियो भित्ता
सम्बन्धको भित्ता यति बलियो होस
कुनै महाभूकम्पले भत्काउन नसकोस्
जुन भित्तामा हामी हाम्रो प्रेमको
इतिहास लेखौंला
हामी बाँचे पनि
हामी मरे पनि
हाम्रो इतिहास बाचिरहोस् ।
कुनै दुश्मनको दुस्साहसले पनि
भत्काउने हिम्मत कदापि राख्न नसकोस्
हाम्रो प्रेम र हाम्रो सम्बन्ध अनि
हामीले निर्माण गरेको सम्बन्धको
त्यो बलियो भित्ता
आऊ प्रिया आजै सुरुवात गरौं हामी
तिमी विश्वासको इट्टा बोकेर आऊ
म भरोसाको गहिरो खाडल
अर्थात् जग बनाउला
केवल !
तिमी प्रेमको झण्डा बोकेर आऊ
म मेरो जिन्दगी बोकेर आउँछु
तिम्रै लागि समर्पित गर्न
प्रिया ! तिमी आऊ मेरो जीवनमा
मिश्रित हुन आऊ
म तम्तयार छु तिमीसँग
मिश्रित हुन
म लालायित छु
तिमीसँग जीवनका उतारचढावहरुसँग
सामाना गर्न….
