दाङ, १५ असार ।
दाङको बबई ५ स्थित पर्यटकीय स्थल पुरन्धारा झरना सरसफाई गरिएको छ । बबई ४ स्थित ग्रेट आईडल एकेडेमीका विद्यार्थीहरुले पुरन्धारा झरना सरसफाई गरेका हुन । झरना वरपर फोहर हुँदा पर्यटकहरु समेत घिनाउने अबस्था रहेकाले सरसफाई गरिएको हो । शुक्रबार कक्षा ८,९ र १० का विद्यार्थीहरुले सरसफाई गरेका हुन् ।
विद्यालयको सामाजिक उत्तरदायित्व अन्तर्गत सरसफाई गरिएको विद्यालयका सञ्चालक दीपक शाहले बताए । उनका अनुसार पर्यटकीय स्थल सफा हुनुपर्ने भन्दै सोही अनुसार सफा गरिएको हो ।
उक्त सरसफाई कार्यक्रममा नेपाल प्रहरीले समुदाय प्रहरी साझेदारी कार्यक्रम अन्तर्गत साझेदारी पनि गरेको थियो ।
तस्विरहरु हेर्नुहोस :
