अपडेट
महायज्ञ तथा महाआरतीमा भक्तजनहरुको भिड् बढ्दै गुरु पूर्णिमाको महत्व ? न्यु स्टार बोर्डिङमा लागुऔषध दुर्व्यसनी बिरूद्ध सचेतनामुलक कार्यक्रम  व्यवसायीहरूलाई सदस्यता लिन घरेलु तथा साना उद्योग महासंघ तुलसीपुरको आग्रह तुलसीपुरको ज्ञानज्योती मा बि देशकै उत्कृष्ट ७ मा पर्न सफल चतुर्मास व्रत सुरू हुने हरिशयनी एकादशीको के छ महत्व ? गुरुकुल एकेडेमी तुलसिपुरका बिद्यार्थिहरुलाई सर्प सम्बन्धि प्रशिक्षण श्रावण महिना श्रवण र कण्डारक पूजाको महत्व ? भानुभक्त जयन्तिको महत्व सृष्टिको जापान जाने सपना त्रिशूलीमा अस्तायो धारापानीमा एक महिने महायज्ञ तथा महाआरती संचालन हुने स्वर्गिय साथीको सम्झनामा मानव सेवा आश्रमका ५८ जनालाई खाजा नास्ता  हेर्नुस् आज असार २५ गते मंगलबारको राशिफल आहा तुल्सिपुर अभियानको कार्यसमिति पुन: गठन ! अध्यक्षमा बस्याल  तुलसीपुरमा क्षयरोगका बिरामी खोजी अभियान तीव्र आज असार २० गते बिहिबार को राशिफल हेर्नुहोस मुहार फेर्दै विरेन्द्र मा.वि हेकुली आज असार १९ गते बुधबार को राशिफल हेर्नुहोस तुलसीपुर उपमहानगरलाई पूर्ण खोप सुनिश्चितता घोषणा आज असार १७ गते सोमबार को राशिफल हेर्नुहोस

लायन्स क्लब अफ दाङ क्यापिटल द्वारा अग्नि पीडितलाई घर हस्तान्तरण!

दाङ , असार ०६

लायन्स क्लब अफ दाङ क्यापिटलले आगो लागी पीडितको घर निर्माण गरि हस्तान्तरण गरेको छ ।

तुलसीपुर उपमहानगरपालिका वडा नं.१३ शिमलखुटि स्थित अग्नि पीडित निर्मला महताराको घर निर्माण गरि आज एक औपचारिक कार्यक्रमका बीच लायन्स क्लब अफ दाङ क्यापिटलले हस्तान्तरण गरेको हो।

उक्त हस्तान्तरण कार्यक्रममा बोल्दै प्रमुख अतिथि तुलसीपुर उपमहानगरपालिका वडा नं. १३ का अध्यक्ष मोहनलाल पौडेलले हरेक वडा बासीकै साथमा वडा सरकार रहेको बताउनु भयो। आफुले लायन्स क्लब अफ दाङ क्यापिटल संगै समन्वय गर्दा आज घर निर्माण गर्न सफल भएको बताउनु भयो ।

यस्तै आगामि दिनमा पनि क्लबले आफ्नो वडा भित्र गरिने सामाजिक कार्यका लागि वडा संगै स्थानिय सरकार साथमै रहेको समेत बताउनु भयो।

यस्तै कार्यक्रमका सभाध्यक्ष तथा लायन्स क्लब अफ दाङ क्यापिटलका अध्यक्ष ला. दिपक केसीले आफुहरु आगो लागेर घर जलेको खबर पाएपछि अबलोकन गर्न यश ठाउँमा आएको तर आफुहरुले सोचेको भन्दा फर दृश्य र घर परिवारको अवस्था पाएपछि आफनो टिमले घर निर्माण गर्दिने निर्णय लिएको अनुरुप नै आफू हरुले घर निर्माण गर्दिएको बताए ।

लायन्स क्लब अफ दाङ क्यापिटलले स्थापना काल देखिनै निस्वार्थ भावनाका साथ सामाजिक कार्य गर्दै आइरहेको बताउदै अहिले भौगोलिक हिसाबले पनि निकै विकट (दुर्गम) मानिने यो ठाउँमा आफ्नो टिमले अग्नि पीडितको घर निर्माण गर्न पाउँदा आफू संगै सिङ्गो टिम खुसी भएको बताउनु भयो।

यस्तै आफुहरुको संचालन गरेको घर निर्माण अभियानलाई आर्थिक संगै भौतिक सहयोग गर्ने वडा नं. १३ लगायत सम्पुर्ण सहयोगी दाताहरुलाई धन्यवाद समेत व्यक्त गर्नु भएको थियो ।

यस्तै अग्नि पीडित निर्मला महताराले आफ्नो कोहि नहुदा आज लायन्स क्लब अफ क्यापिटल दाङ आफ्नो सहारा बनेको बताउनुभयो । केहि समय देखि श्रीमान कारागार हुँदाको पीडा माथी झन आगो लागेर घर संगै वर्षभरि दुःख गरेर उब्जाएको सबै खानेकुरा आगोले खाइदिएको थियो तर आज कल्पनै नगरेको आफ्नो घर निर्माण गर्दिदा आफू धेरै खुशी भएको भन्दै क्लबलाई विशेष धन्यवाद समेत व्यक्त गर्नुभयो।

यस्तै नेपाल पत्रकार महासंघ दाङकी सहसचिव दिप्तीशिखा चौधरीले लायन्स क्लब अफ दाङ क्यापिटलले गरेको यो कार्य नै महान कार्य भएको बताउनु भयो। समाजमा सकारात्मक प्रभाव छार्न क्लबले खेलेको हरेक भुमिकालाई अझ माथी उठाउन संचार क्षेत्रबाट आफूहरु सधै साथमा रहेको प्रतिबद्धता समेत व्यक्त गर्नुभयो।

लायन्स क्लब अफ दाङ क्यापिटलका द्वितीय उपाध्यक्ष डम्बर केसीको स्वागत मन्तव्यबाट सुरु भएको घर हस्तान्तरण कार्यक्रमको सहजिकरणा सचिव ला. प्रकाश भुसालले गर्नुभएको थियो। यस अघि पनि क्लबले विभिन्न क्षेत्रमा सामाजिक कार्य गर्दै आइरहेको छ।

Leave a Reply

Your email address will not be published. Required fields are marked *