बिशाल विश्वकर्मा
घोराही, २ असार
दाङको घोराही उपमहानगरपालिकामा मानव स्वास्थ्य समाज द्वारा लैङ्गिक तथा यौनिक अल्पसङ्ख्यक समुदाय ले मनाउने गौरवको महिना “जुन” अन्तर्गत आज गौरवको यात्रा निकालिएको छ । विश्वभर जुन महिनालाई गौरव महिना (प्राइड मन्थ) का रूपमा मनाइन्छ । २० औँ शताब्दीको ६० औँ दशकमा भएको अमेरिकाको स्टोनवाल विद्रोहको स्मृतिमा यस महिनालाई गौरव महिना घोषणा गरिएको हो । यही क्रममा घोराहीमा पनि गौरव यात्रा निकालिएको हो ।
अङ्ग्रेजी मिति अनुसार जुन महिनामा लैङ्गिक तथा यौनिक अल्पसंख्यकहरू सम्बन्धी विश्वव्यापी विभिन्न कार्यक्रम सञ्चालन हुने गर्छ । गौरवको महिनाको अवसरमा मनाइने उत्सव गौरव यात्रा (प्राइड परेड) हो ।
गौरव यात्रा मानव स्वास्थ्य समाजको कार्यलय घोराही बाट सुरु गरि वि.पि चोक भएर घोराही उपमहानगरपालिकाको कार्यलय लगिएको थियो । मानव स्वास्थ्य समाजको अध्यक्ष मुस्कान डि सि ले आफ्नो समुदायको माग राख्दै घोराही उपमहानगरपालिकाको मेयर नरुलाल चौधरीलाई ज्ञापनपत्र बुझाउदै कार्यक्रम को समापन गरिएको थियो भने मेयर चौधरीले स्थानीय सरकार लैङ्गिक तथा यौनिक अल्पसङ्ख्यक को समुदायमा लगानी गर्न सकारात्मक भएको बताएका थिए ।
