दाङ १८ जेठ । तुलसीपुर उपमहानगरपालिका २ मा वडाध्यक्ष कप भलिबल तथा घैटा फोड प्रतियोगिता शुक्रबारदेखि सुरु भएको छ । नगरस्तरीय युवा सञ्जाल र वडा नं २ को संयुक्त आयोजनामा सम्पन्न भएको हो । वडा अध्यक्ष भिम बहादुर योगीको अध्यक्षता एवम तुलसीपुर उपमहानगरपालिकाका नगरप्रमुख टिकाराम खड्काको प्रमुख अतिथिमा उद्घाटन सम्पन्न भएको हो ।
नगरप्रमुख टीकाराम खड्काले खेल स्वास्थ्य र राष्ट्रका लागि मात्र नभइ पहिचानका लागि समेत भएको बताए । उनले अनुशासनका साथै आफू स्थापितका हुनका लागि खेल आवश्यक रहेको बताए । उनले सबै खेलका विधामा खेलाडीलाई प्रोत्साहन गर्न उपमहानगर तयार रहेको बताए । प्रतियोगितामा ९ टिमको सहभागिता छ । कार्यक्रमको सहजीकरण नगरस्तरीय युवा सञ्जालका अध्यक्ष गणेश भण्डारीले गरेका थिए ।
