काठमाडौ ५ जेठ । कर्णाली प्रदेश स्तरीय युवा स्वैच्छिक राष्ट्रिय समिक्षा कार्यक्रम सम्पन्न भएको छ । कार्यक्रम युवा अभियान र राष्ट्रिय युवा परिषदको आयोजनामा गुगल मिटमा सम्पन्न भएको हो ।
कार्यक्रमको सभापति गङ्ग बहादुर गौतम, प्रमुख अतिथी प्रतिनिधि सभा सदस्य ऐन बहादुर शाही , विशिष्ट अतिथी कर्णाली प्रदेशका जलस्रोत तथा उर्जा विकास मन्त्री रनसिंह परियार, अतिथिहरु राष्ट्रिय युवा परिषदका उपाध्यक्ष सुरेन्द्र बस्नेत , शारदा नगरपालिकाका मेयर प्रकाश भण्डारी , भगवतीमाई गाउँ युवा परिषदका उपाध्यक्ष राजेन्द्र अधिकारीको अतिथिमा सम्पन्न भएको हो ।
कर्णाली प्रदेशको दिगो विकास लक्ष्यहरुको कार्यन्वयनमा भएको प्रगति तथा चुनौतीहरुमा युवाको विश्लेषण कार्यक्रम सम्पन्न भएको हो ।
भगवतीमाई गाउँ युवा परिषदको उपाध्यक्षले विगत ५ वर्षदेखि युवाको क्षेत्रमा काम गरिरहेको हुँदा आफ्नो गाउँपालिकाको नीति तथा कार्यक्रममा दिगो विकासका लक्ष्यहरुमा काम गर्ने बताउनु भयो । शारदा नगरपालिकाको मेयर प्रकाश भण्डारीले आफ्नो नगरपालिकामा युवाहरुलाई लक्षित कार्यक्रम गरिरहेको बताउनु भयो । आफ्नो नगरपालिकामा दिगो विकासका लक्ष्यहरुको कार्यक्रम गर्ने बताउनु भयो । शारदा नगरपालिकामा कोहि केहि नया आईडीया बोकेर आउँछ भने उसको आईडीयामा काम गर्ने बताउनु भयो ।
राष्ट्रिय युवा परिषदको उपाध्यक्षले युवा लक्षित कार्यक्रम युवा परिषदले गरेको बताउनु भयो । अबको आर्थिक बर्षमा नेपाल सरकारले युवाको विषयमा कार्यक्रमहरु युवा लक्षित ल्याएको बताउनु भयो ।
त्यस्तै कर्णाली प्रदेशका जलस्रोत तथा उर्जा विकास मन्त्री रनसिंह परियारले कर्णाली प्रदेश सरकार युवाको निति सम्बन्धि काम गरिरहेको बताउनु भयो । यो आर्थिक वर्षमा कर्णाली सरकारले युवा लक्षित कार्यक्रम गर्ने र पालिकामा पनि दिगो विकास सम्बन्धि कार्यक्रमको लागि पहल गर्ने बताउनु भयो ।
प्रमुख अतिथि प्रतिनिधि सभा सदस्य ऐन बहादुर शाहीले यो पालिको निति तथा कार्यक्रम युवा लक्षित भएको कारण यस्ता युवा लक्षित कार्यक्रमका लागि युवा तथा खेलकुद मन्त्री समक्ष कुरा राख्ने बताउनु भयो । कार्यक्रम सहजीकरण टेकेन्द्र उपाध्यायले गर्नु भएको थियो ।
