दाङ, १ जेठ ।
राप्ती बबई क्याम्पस तुलसीपुरका क्याम्पस प्रमुख गणेश पार्धेको कार्यकक्षमा विद्यार्थी हरुले तालाबन्दी गरेका छन् । लामो समय देखी राप्ती बबई क्याम्पसको सुरक्षाकर्मी (गार्ड) को रुपमा काम गर्दै आईरहेका खिम बहादुर डाँगीलाई राजनीतिक हस्तक्षपको कारण क्याम्पस प्रमुखले मनमानी ढंगले हटाउन लागेको भन्दै ताला लगाएको विद्यार्थीले बताएका हुन् ।
यस्तै विद्यार्थीहरुले विद्यार्थी संगै संस्थाको हितको निम्ति कुनै काम नगर्ने र बारम्बार मनमानी ढंगले हरेक क्रियाकलाप गरिरहेको , विद्यार्थी संगठन सँग भएका सहमति व्यवास्था गर्दै अगाडी बढिरहेको हुँदा आफू हरुले ताला लगाउन बाध्य भएको बताए ।
यस्तै उनीहरुको हरेक निर्णय एउटा गर्ने र कार्यन्वयन अर्को गर्दै आइरहेको पनि बताए । १८ औं साधारण सभाको दिन विद्यार्थीको प्रतिनिधित्व गर्दै कोमल बहादुर वली (के.बि.) ले उठाएका बिषयहरु पनि छलफल गर्ने भनिएको तर अहिले सम्म कुनै बैठक नबोलाउनु विद्यार्थी हित बिपरित क्याम्पस प्रशासन चलिरहेको बताए ।
यस्तै विद्यार्थी प्रमोद भण्डारीले तत्काल सुरक्षाकर्मी (गार्ड) हटाउने निर्णय फिर्ता लिन र विद्यार्थीहरुले उठाएका हरेक बिषयमा छलफल नगरी व्यवास्था गरे आफुहरुले थप संर्घषका कार्यक्रम गर्ने पनि बताएका छन् ।
यता क्यामस प्रमुख गणेश पार्धे सँग बुझ्दा गार्डले राम्रो सँग काम नगरेको कारण देखाउँदै सेक्युरिटिज कम्पनीलाइ गार्ड परिवर्तन गर्न खबर गरेको बताउँछन ।
