तुलसीपुर , बैशाख ३१ । तुलसीपुर उद्योग बाणिज्य संघको अध्यक्षमा नेपाली काँग्रेस का बिनिल केसी निर्वाचित भएका छन् ।
नेपाली काँग्रेसका उम्मेदवार केसीले कुल खसेको २९३८ मध्य १५५० मत प्राप्त गरेका हुन । बिनिलले गठबन्धनका उम्मेदवार ललितजंग शाहलाई पराजित गरेका हुन । शाहले १३४० मत प्राप्त गरे । केसीले शाहलाई २१० मतान्तरले पराजित गरेका हुन । पराजित शाह संघका यसअघिका उपाध्यक्ष थिए भने निर्वाचित केसी महासचिव ।
नयाँ नेतृत्व चुन्न शनिबार बिहान ८ बजेदेखि साढे ५ बजेसम्म मतदान भएको थियो । शनिबार रातिबाट सुरु भएको मत गणनाको अन्तिम परिणाम सोमबार बिहान मात्रै सार्वजनिक भएको हो । तुलसीपुर उद्योग बाणिज्य संघमा कुल ३४७१ मतदाता थिए ।
यस्तै उद्योग उपाध्यक्षमा विश्व बस्नेत , वाणिज्य उपाध्यक्ष मा नरेश कुमार राज भण्डारी, खुल्ला उपाध्यक्ष मा देव बहादुर के सी, महासचिवमा केशव राज के सी, कोषाध्यक्षमा रूपेश शर्मा, सचिवमा नविन राई, सह कोषाध्यक्षमा दिपेश भण्डारी विजयी भएका छन ।
