तुलसीपुर,२८ चैत ।
लुम्बिनी प्रदेशका निवर्तमान अर्थमन्त्री तथा प्रदेशसभा सदस्य धनबहादुर मास्कीले आफैले पढेको विद्यालयमा पुगेर सम्मान ग्रहण गरेका छन् । बबई गाउँपालिका वडा नं.५ पदमपुर स्थित जनकल्याण माविले सोही विद्यालयमा अध्ययन गरेर अहिले सोही क्षेत्रको सांसद हँुँदै मन्त्रीसम्म भएको भन्दै त्यो विद्यालयको गर्वको विषय भएको भन्दै सम्मान गरेको हो । बुधबार भएको बार्षिक अभिभावक भेलामा मास्कीलाई सम्मान गरिएको हो । मास्कीले सोही विद्यालयमा कक्षा ५ सम्म अध्ययन गरेका थिए । मन्त्री मास्कीले उक्त विद्यालयमा अध्ययनरत जनशक्ति राजनीतिमा मात्रै नभई निजामति, शिक्षक, बैंक, सुरक्षा क्षेत्र लगायत बिभिन्न क्षेत्रमा जान सफल भएको बताए ।
सोही विद्यालयमा मास्कीले अर्थमन्त्री हुँदा अधुरो भवन निर्माणका लागि ३० लाख बजेट बिनियोजन गरेका थिए । बबई गाउँपालिकाले पहिलो पटक प्रदेश सांसद पाएको हो । पश्चिम दाङ विकट क्षेत्र हो, जुन क्षेत्र दाङको कर्णाली भनेर पनि चिनाउने गरिन्छ । तर, सोही क्षेत्रबाट मास्कीले विजयी हाँसिल गरि मन्त्री भएपछि न्याय पाएको शिक्षक अभिभावक संघका अध्यक्ष तारा भण्डारीले बताए ।
त्यस अवसरमा बबई गाउँपालिकाका उपाध्यक्ष बम कुमारी खड्का, वडा नं. ५ का अध्यक्ष हर्कबहादुर श्रीस, वडा नं. ४ का अध्यक्ष टेकबहादुर वली, वडा नं. ५ का निवर्तमान अध्यक्ष डम्बर श्रीस लगायतले मन्तव्य ब्यक्त गरेका थिए ।