काठमाण्डौँ, चैत्र २३
समसमायिक राजनितिक घटना क्रममा आधारित सिरियल दिमाग लगाले सफलता पूर्वक आफ्नो १२औँ भाग सार्वजनिक गरेको छ । समसमायिक राजनितिक घटनाक्रमलाई समेटेर बनाइने यो सिरियलले छोटो समयमै दर्शकको मन जित्न सफल भएको छ ।
प्युठान बाट काठमाण्डौँ गएर कलाकारीता क्षेत्रमा संघर्ष गरिरहेका मनोहर भण्डारीले यो सिरियलको निर्देशन गरेका हुन । मनोहर भण्डारीको आफ्नै कथा, निर्देशन तथा सम्पादन रहेको छ । पछिल्लो समय कमेडी सिरियलमा समाजमा नकारात्मक सन्देश प्रवाह हुने तरिकाले कमेडी सिरियल निर्माण भैरहेको समयमा दिमाग लगा सिरियलको निर्माण गरि फरक तरिकाले समाजमा घट्ने घटनाहरुलाइ आधार बनाएर समसमायिक घटनाकम्रमा आधारित सिरियल दिमाग लगा बनाइएको निर्देशक मनोहर भण्डारी बताउँछन । सिरियल दिमाग लगा पूर्ण रुपमा सामाजिक कथावस्तुमा आधारित सिरियल छ । कमेडीको माध्यमबाट समाजमा सकारात्मक सन्देश प्रवाह गर्ने उद्धेश्य सहित यो सिरियल निर्माण गर्ने सोँच आएको निर्देशक भण्डारीको भनाइ छ ।
यस अघि विभिन्न सिरियल हरुमा फरक फरक पात्रको रुपमा काम गर्दै आफ्नो परिचय जोेडेका भण्डारीले आफ्नै शब्द संगीतमा दर्जन धेरै गीत बजारमा ल्याइसकेका छन ।
अरु सिरियलमा काम गर्दा, अरुको निर्देशनमा काम गर्दा आफु भित्रको त्यो निर्देशन तथा लेखन कलाले स्थान नपाउँने अर्थात आफु भित्रको कला दबिएर बस्ने हुँदा आफुले नै सिरियल निर्माणमा लागेका मनोहर ले छोटो समयमै दिमाग लगा सिरियलबाट दर्शकको मन जित्न सफल भएका छन । सिरियल रिसानी माफमा गाँउलेको पात्र सँगै कथा लेखन, सिरियल बिर्खेमा मने को रोल सँगै केहि भाग कथा लेखन र सिरियल गार्हाे छ मा लुद्रेको रोलमा देखिएका भण्डारी पछिल्लो समय आफ्नै सिरियल निर्माणमा व्यस्त देखिन्छन ।
पछिल्लो समयमा उनले यहि सिरियल मार्पmत प्रत्यक्ष रुपमा १०-१२ जनालाइ रोजगारी दिएका छन । देशमै केहि गर्ने सोँच बोकेर प्युठानबाट काठमाण्डौ छिरेका मनोहरले बेलाबखतमा देश भक्ती गीत पनि बजारमा ल्याउने गर्दछन ।
समाजमा घट्ने समसमायिक राजनितिक घटनाक्रममा आधारित सिरियल दिमाग लगा सदैव सकारात्मक सन्देश सहित र समाजमा कुनैपनि दख्खल नपुर्याउने गरि काम गर्ने निर्माता टिमले बताएको छ ।
सिरियल हेर्न यो लिङ्कमा क्लिक गर्नुहोस :
