सिएनटीप्रेस समाचारदाता, चैत १७, तुलसीपुर
राष्ट्रिय सङ्गीत कर्मी संघ दाङको जिल्ला समिति पुर्नगठन तथा सांस्कृतिक कार्यक्रम सम्पन्न भएको छ । तुलसीपुर उपमहानगरपालिका वडा नं ५ पातुखोलामा “हाम्रो कला र संस्कृति गौरवपूर्ण शान, कलाकर्मीको उत्थानका लागि हाम्रो अभियान” भन्ने नाराका साथ पुनर्गठन तथा सांस्कृतिक कार्यक्रम सम्पन्न भएको हो ।
कार्यक्रममा राष्ट्रिय सङ्गीत कर्मी संघ लुम्बिनी प्रदेश उपाध्यक्ष गायिका उषा दसौति प्रमुख अतिथिको रुपमा हुनुहुन्थ्यो । कार्यक्रमको सम्बोधन गर्दै राष्ट्रिय सङ्गीत कर्मी संघ लुम्बिनी प्रदेश उपाध्यक्ष उषा दसौतीले नयाँ जिल्ला समितिका पदाधिकारीलाई बधाई दिदै सङ्गीत, कलाको संरक्षण गर्नुपर्नेमा जोड दिएकि थिइन ।
राष्ट्रिय संगितकर्मि संघ दाङ जिल्लाका निवर्तमान उपाध्यक्ष श्रिधर कँडेल को स्वागत मन्तव्य बाट सुरु भएको कार्यक्रममा जिल्ला सदस्य रमेश जैशी लगायतले बोल्नुभएको थियो ।
उक्त कार्यक्रममा लोकप्रिय गायक टंक खड्काको पनि उपस्थिती रहेको थियो । उनले भर्खरै रिलिज भएको “किनिदिउला तिमिलाई सुनैको यारलिङ् ” भन्ने गित गाएर कार्यक्रममा बेजोड प्रस्तुती दिएका थिए । कार्यक्रममा गायक टंक खड्का लगायत अन्य स्थानिय कलाकारहरुको प्रस्तुती रहको थियो ।
साथै संगीतकर्मी संघ दाङमा पहिले आबद्ध अध्यक्ष दीपक ओली उपाध्यक्ष उषा दसौती र प्रवक्ता रमेश ओली लुम्बिनी प्रदेशमा मनोनित भएको र सहसचिव ईश्वर बिसि व्यक्तिगत कामले राष्ट्र बाहिर रहने भएकाले संगीतकर्मी सङ्घ दाङले विदाई तथा सम्मान गर्दै नयाँ कार्यसमिति पुनर्गठन गरेको हो । आजको कार्यक्रम बाट नयाँ कार्यसमिति गठन गरिएको छ जसको अध्यक्षमा श्रीधर कंडेल, वरिष्ठ उपाध्यक्षमा एचआर मगर, उपाध्यक्षमा कमल खड्का, वीरबहादुर बिक, र दिपक बर्मा, सचिवमा भीम बहादुर वली, सह-सचिवमा केशरबहादुर सुनार, कोषाध्यक्षमा टंक खड्का, सह-कोषाध्यक्षमा रमेश जैसी, प्रवक्तामा के वि वली, सल्लाहकारमा लालमती भण्डारी मनोनित भएका छन् भने प्रेस सह-संयोजकमा रवि कराला मनोनित भएका छन । राष्ट्रिय संगीतकर्मी संघ दाङ जिल्लाको सदस्यमा पनि केही आबद्ध भएको छन । सदस्यहरूमा सन्ध्या खड्का, धनबहादुर ओली, अमृता गिरी, नन्दिका स्वर्णकार चयन भएका हुन । संघका जिल्ला शाखाका निवर्तमान अध्यक्ष दिपक वली को सभाध्यक्षतामा सम्पन्न कार्यक्रमको सहजीकरण सचिव भीम बहादुर वली ओलीले गर्नुभएको थियो ।
