बिशाल बिश्वकर्मा, तुलसीपुर, चैत्र १४
एच .आर.मिडिया हाउस प्रा.लि ले खुल्ला भलिबल प्रतियोगिताका बिजेता खेलाडीहरूलाई सम्मान गरेको छ ।
सिर्जनसिल युवा क्लब कालिमाटी सल्यानले तिन दिन सम्म आयोजना गरेको होली विशेष खुल्ला पुरुष भलिबल प्रतियोगिता २०८० मा एच. आर. मिडिया हाउस तुलसीपुर दाङले प्रथम स्थान हासिल गरेको थियो ।
उक्त प्रतियोगितामा सहभागि भएका खेलाडीहरूलाई एच.आर.मिडिया हाउस तुलसीपुर दाङले , एच.आर.मिडिया हाउस तुलसीपुर दाङका प्रबन्धक एच.आर मगरको सभाध्यक्षतामा आज चैत्र १४ गते सम्मान पत्र सहित सम्मान गरेको हो । एच.आर मिडिया हाउस तुलसीपुर दाङका सल्लाहकार यज्ञ बहादुर बुढाले खेलाडीहरूलाई बधाई साथै आगामी दिनहरुमा भलिवल खेलाडीहरूलाई एच.आर . मिडिया हाउस तुलसीपुर दाङले साथ दिने प्रतिवद्धता दिएका छन । कार्यक्रममा लोकप्रिय गायक एम.टि महर,माउन्ट फुजिका प्रमुख डिल्लीराज डाँगी, साझा टाइम्स डट कमका अध्यक्ष सुमन के.सी, प्रकाश के.सी लगाएतको उपस्थिती रहेको थियो ।
एच.आर मिडिया हाउस तुलसीपुर दाङका सल्लाहकार बिकास डाँगीको स्वागत मन्तव्यबाट सुरु भएको कार्यक्रममा सहजीकरण कोमल बहादुर वलि (के.वि) ले गरेका थिए ।
