बिशाल बिश्वकर्मा, तुलसीपुर, चैत्र १०
साझा टाइम्स डट कमको चौथो बार्षिकोत्सवको अवसरमा आयोजित कार्यक्रमको सम्बोधन गर्दै तुलसीपुर उपमहानगरपालिकाको नगर प्रमुख मेयर टिकाराम खड्काले तुलसीपुर उपमहानगरपालिका भित्र सन्चालित सम्पूर्ण मिडिया हाउसलाई टिकाउनका लागि उपमहानगरपालिकाले लोक कल्याणकारी विज्ञापन पालिका द्वारा दिइरहेको बताएका हुन। पछिल्लो समयमा केही पत्रकारहरुले मुलधारको मिडियामा भन्दा समाजिक सञ्जालमा भ्रामक समाचारहरू फैलाएर नकारात्मक प्रभाव परेकाले पत्रकारिता क्षेत्रलाई थप बिश्वसनियता बनाउनु पर्नेमा जोड दिन उनले बताएका हुन ।
स्थानिय सरकारले स्थानिय स्तरमा सन्चालित मिडिया हाउस तथा सन्चारगृहको अभिभावकत्व निर्वाह गरिरहेको हुँदा तुलसीपुर उपमहानगरपालिका सन्चारगृह तथा मिडिया हाउस प्रति सदैव सकारात्मक रहेको मेयर खड्काको भनाइ थियो ।
पछिल्लो समय आफुलाइ पत्रकार भन्दै क्यामेरा तेर्साउने र पैसाको बार्गेनिङ गर्ने प्रबृद्धि बढेको भन्दै त्यस्तो पत्रकारिताको खुल्ला आलोचना पनि गरेका थिए सन्चारगृह तथा मिडिया हाउसले सदैव सरकारको प्रतिपक्षको भुमिका निर्वाह गर्ने हुँदा समाचार लेख्दा निष्पक्ष तरिकाले समाचार लेखिदिनुहन आग्रह समेत गरेका हुन ।
