अपडेट
हेर्नुहोस् आज शनिबारको राशिफल बैशाख ७ गते शुक्रबारको राशिफल हेर्नुहोस बैशाख ६ गते बिहिबार को राशिफल हेर्नुहोस थारमारे दुर्घटना अवडेट : २२ जना घाइते, ९ जनालाई रिफर, ४ काे अवस्था गम्भीर सल्यानमा बस दुर्घटना‌ हुदाँ १४ जना घाईते रामनवमीव्रतको धार्मिक महत्व ? व्यावसायिक सम्वर्द्धन केन्द्र को भवन उद्घाटन : व्यवसायीहरू एकजुट हुनु पर्नेमा जोड पश्चिम दाङ जोड्ने माथिल्लो सडक बहुबर्षियमा समावेश सुनको मूल्य प्रतितोला दुई हजार दुई सयले घट्यो आज बैशाख २, २०८१, आइतबारको राशिफल हेर्नुहोस गजल – जयन्ता खत्री “सुधा” नववर्षारम्भ जानकारी ! तुलसीपुरमा एयरपोर्ट सन्चालन नहुँदा जनप्रतिनिधिहरुले दु:ख भोगेका छन् : मेयर टिकाराम खड्का प्यूठानको मल्लरानीमा खाना महोत्सव सुरु  तुलसीपुरको एयरपोर्ट सन्चालन नहुँदा जनप्रतिनिधिहरू नेपालगञ्ज, भौरवाबाट हवाईजहाज चढ्न बाध्य छन्: मेयर टिकाराम खड्का आफैले पढेको विद्यालयबाट पूर्वमन्त्री मास्की सम्मानित तुलसीपुर ५ का बालबालिकालाइ नेतृत्व विकास तथा क्षमता अभिवृद्धी तालिम अस्मिता अधिकारीले नचाइन ज्ञानज्योतीका बिद्यार्थी मन्त्री हुँदा बजेट हालेँ,अब विकास हेर्छुः मास्की दाङमा बसको ठक्करबाट मोटरसाईकल चालकको मृत्यु

तुलसीपुरमा पत्रकारहरु एकै ठाउँमा : पत्रकार र मिडिया जोगाउने चिन्ता

तुलसीपुर, १० चैत । 

पत्रकारिता क्षेत्रप्रति राज्यको दृष्टिकोण सकारात्मक बन्न नसकेको तुलसीपुरमा आयोजित कार्यक्रमका सहभागी पत्रकारहरुले गुनासो गरेका छन् । राज्यको समान दृष्टिकोण बन्न नसक्दा पत्रकार तथा मिडिया क्षेत्र धरासयीस्थितमा पुगेको पत्रकारको गुनासो छ ।

 

स्वतन्त्र पत्रकार संघ दाङ शाखाले शनिबार तुलसीपुरमा गरेको ‘व्यवसायीक एकता र जिम्मेवार पत्रकारिता’ विषयक अन्तरक्रिया कार्यक्रममा सहभागी पत्रकारहरुले पत्रकारिता क्षेत्रमा राज्यको लगानी शून्यजस्तै रहेकोले पत्रकारिता क्षेत्रको विकास हुन नसकेको बताउनुभयो ।

 

कार्यक्रममा नेपाल पत्रकार महासंघ दाङका उपाध्यक्ष सन्तोष सुवेदीले आम नागरिकले मूलधारका मिडिया र सामाजिक संजाल छुट्याउन नसक्दा पत्रकारिताप्रतिको विश्वसनियतामा खडेरी सिर्जना हुन थालेको बताउनुभयो ।

 

उहाँले मूलधारका मिडियामा पत्रकार आचारसंहिताभित्र रहेर समाचार आउने कुराको जानकारी नागरिकलाई नहुँदा पनि सामाजिक संजाललाई विश्वास गर्ने वातावरण बनेको बताउनुभयो ।

 

नेपाल पत्रकार महासंघ दाङका कोषाध्यक्ष तथा रिपोटर्स क्लब दाङका अध्यक्ष शरद रेग्मीले राज्यले संचारमाध्यमप्रति गरिने व्यवहार विभेदपूणर् रहेको बताउनुभयो । उहाँले स्थानीय सरकारले स्थानीय संचारमाध्यमलाई प्राथमिकतामा पार्न नसक्नु दुखद भएको बताउनुभयो ।

 

नेपाल पत्रकार महासंघ दाङका सहसचिव दिप्तीशिखा चौधरीले पत्रकारिता पेशालाई विश्वसनिय बनाउनुपर्नेमा जोड दिनुभयो । उहाँले कतिपय व्यक्ति तथा संस्थाले पछिल्लो समय सार्वजनिक कार्यक्रममै गरेको व्यवहारले समग्र पत्रकारितामाथि प्रहार भएको महशुस गरेको बताउनुभयो ।

 

नेपाल प्रेस युनियन दाङका अध्यक्ष नारायण खड्काले पत्रकारिता पेशा चुनौतिपूर्ण भएकाले पनि पछिल्लो पुस्ताको आकर्षण हुन नसकेको बताउनुभयो । यस्तै नेपाल प्रेस युनियनका सचिव अमरक्षितिज भण्डारीले पत्रकारितालाई विश्वसनिय बनाउन सिर्जनशिलतालाई बढाउनुपर्ने बताउनुभयो । प्रेस चौतारी दाङका अध्यक्ष प्रेम बहादुर राम्जाले संचार माध्यम घिटिघिटी अवस्थामा पुग्दा पत्रकारको पेशा असुरक्षित बन्न पुगेको बताउनुभयो ।

 

संघका अध्यक्ष जीतसागर जी.एमले पत्रकार बिचको एकतालाई जोड दिनुभयो । उहाँले समाजमा हुने बेथितिको अन्त्य गर्नका लागि पत्रकारले निष्पक्षरुपमा कलम चलाउनुपर्ने बताउनुभयो । संघका सचिव बसन्त पौडेलले संचारमाध्यमलाई हेर्ने राज्यको दृष्टिकोण सकारात्मक बन्न नसकेको बताउनुभयो । आर्थिक संकटको मारमा मिडियाक्षेत्र पनि रहेको उहाँको भनाई छ ।

Leave a Reply

Your email address will not be published. Required fields are marked *