बिशाल बिश्वकर्मा, सल्यान, चैत्र १०
छत्रेश्वरी गाउँपालिका वडा नं २ को शिक्षा समितिको आयोजनामा रहेको बैठक सम्पन्न भएको छ । शैक्षिक गुणस्तर कायम राख्ने नारा सहित शिक्षा समितिले बैठक राखेको थियो ।
आ.ब २०८० को समिक्षा तथा नयाँ शैक्षिक सत्र २०८१ को कार्य योजना गराई सामुदायिक विद्यालय सन्चालन गर्नुपर्ने निर्णय बैठकले गरेको छ । नयाँ शैक्षिक सत्र देखि बिद्यालय सुधार योजना बनाउने, बार्षिक कार्य योजना पात्रो निर्माण गर्ने, वडा स्तरीय जाँच गराउने , बिद्यालय अनुगमन गर्नुपर्ने लगायतको कार्यहरू कार्यान्वयनमा ल्याउने बैठकले निर्णय गरेको हो ।
छत्रेश्वरी गाउँपालिका वडा नं २ का अध्यक्ष प्रेम नेपालीको अध्यक्षतामा बसेको बैठकमा जनता मा. वि बुँरासेका प्रध्यानाध्यापक लालसिङ वलि, सरस्वती आधारभूत बिद्यालय रानीपोखरीका प्रध्यानाध्यापक राम बहादुर वलि, भगवती आधारभूत बिद्यालयका प्रध्यानाध्यापक अमर बहादुर वलि, बसन्त आधारभूत बिद्यालय प्रध्यानाध्यापक झग्गु प्रसाद वलि, दलित नमूना प्राथामिक विद्यालयका प्रधानाध्यापक महिन्द्र खडका, सिर्जनशिल आधारभूत बिद्यालयका प्रध्यानाध्यापक निर्मला वलि, कालिका आधारभूत बिद्यालय कल्लेरीका प्रध्यानाध्यापक कुन्ता के.सी लगायत बिभिन्न बिद्यालय व्यवस्थापन समितिका अध्यक्ष, शिक्षक अभिभावक संघका अध्यक्ष ,वडा जनप्रतिनिधि, शिक्षक शिक्षिका आदिको उपस्थिति रहेको थियो । प्रेम नेपालीको अध्यक्षतामा बसेको बैठकमा सहजिकरण रमेश बरालीले गरेका हुन ।
