अपडेट
राप्तीमा पशुपालन असल अभ्यास कार्यान्वयन निर्देशिका सम्बन्धी अभिमुखीकरण कार्यक्रम सम्पन्न नसर्ने रोग नियन्त्रणका लागि खानपान सुधार र जीवनशैली परिवर्तन अपरिहार्य : अध्यक्ष विष्ट भकभके पन सम्बन्धी भोली १ दिने परामर्श कार्यक्रम हुने : आज सरोकारवाला संग अन्तरक्रिया सम्पन्न नेपाल घरेलु तथा साना उद्योग महासंघ द्वारा तुल्सिपुर उपमहानगरपालिकामा महिला उद्यमी समिति गठन दाङमा शोकमग्न परिवारमा अर्को पीडा – श्रीमानको किरियामा बसेकी श्रीमतीको पनि मृत्यु राप्ती गाउँपालिका–३ खुरुरीयामा सञ्चालित एक महिने स्तरोन्नती कटाई सिलाई तालिम सम्पन्न भुपेन्द्रा बुढा स्मृति क्यापिएन सी-क्याप बाजुराको गौमुल गाउँपलिकामा सप्पन्न दाङमा घोडाले लात्तीले हानेर युवकको मृत्यु तुलसीपुरमा स्कुल बससँग स्कुटर ठोक्किँदा, स्कुटर चालक घाइते उद्यमशीलता भन्नुको अर्थ: नक्कल होइन, नवप्रवर्तन हो – खड्का राप्ती गाउँपालिकाका सबै वडा, स्वास्थ्य संस्था र विद्यालयमा विद्युतीय हाजिरी प्रणाली लागू “हामी सबै भिन्न, हामी सबै समान” नारासहित लैंगिक हिंसा निवारण अभिमुखीकरण कार्यक्रम सम्पन्न वैदेशिक शिक्षामा पहिलो रोजाइ, ‘सक्सेस एजुकेशन’ शिक्षक आन्दोलनले विद्यार्थी भर्ना अभियान प्रभावित, नयाँ शैक्षिक सत्रमा अन्यौलता दाङमा ८३ वर्षीय वृद्धले गोली हानी आत्महत्या गरेको आशंका राप्ती गाउँपालिका–३ खुरुरीयामा स्तराेन्नती कटाई सिलाई तालिम सञ्चालन, उपाध्यक्ष चौधरीद्वारा अनुगमन तुलसीपुर १३ का दलित तथा विपन्न महिलाहरुलाई सशक्तीकरण सम्बन्धि तालिम खेतबारीमा काम गर्दै कृषक “स्वस्थ बालबालिका नै समृद्ध राष्ट्रका आधार हुन्”: मन्त्री सरु राप्तीमा जनप्रतिनिधि र कर्मचारीबीच मैत्रीपूर्ण फुटबल प्रतियोगिता : कर्मचारी टोली विजयी

मास्कीको कार्यशैलीः सुक्ष्म अध्ययन, छिटो प्रगति

दाङ, २६ फागुन 

निर्वाचनको समयमा एउटा चर्चा थियो‘जहाँ मास्की,त्यहाँ सफलता’ । सञ्चार माध्यममा त्यो शीर्षकले निकै चर्चा पायो । निर्वाचनको समयमा त्यो शीर्षकको सामग्रीले प्रभाब पा¥यो र सफलताको एउटा आधार पनि बन्यो । त्यो शीर्षक निर्वाचनको‘प्रपोकाण्ड’ थिएन, अनुसन्धानबाट आएको एउटा निष्कर्ष थियो ।

 

१० बर्षे जनयुद्धमा जहाँ मास्कीले नेतृत्व गर्थे, त्यहाँ सफलता हाँसिल गर्थे । त्यहाँ कार्य क्षमताले गर्दा नै छोटो–छाटो समयमा सेनाको नेतृत्वमा फड्को मारे । उनी छाटो समयमा डिभिजन कमाण्डर भएर नेतृत्व गर्न सफल भएका थिए । यही इतिहास बनाएरै होला, मास्की पश्चिम दाङमा निर्वाचन लड्न आए र, निर्वाचन पनि जित्न सफल भए ।

 

पश्चिम दाङ माओवादी केन्द्रको कम्जोर क्षेत्र थियो । दाङ क्षत्र नं.३(२) मा पर्ने २५ वटा वडा मध्ये स्थानीय तहको २०७९ को निर्वाचनमा माओवादी केन्द्रले दुई वटा वडा मात्रै जितेको थियो । त्यो निर्वाचन क्षेत्रमा, निर्वाचन जित्न त्यति सहज थिएनन्, तर, मास्कीले चुनाब जिते । चुनाब जितेपछि उनले मन्त्री बन्ने पनि अवसर पाए । त्यसपछि मास्कीप्रति नागरिकको अपेक्षा झनै बढ्यो । १४ बैशाख २०७९ मा मन्त्री नियुक्त भएपनि, १ जेठ २०७९ मा प्रदेश तत्कालिन आर्थिक मामिला मन्त्रीको जिम्मेवारी पाए । अर्थमन्त्रीको जिम्मेवारी पाएपछि १ महिनामा बजेट ल्याउनु पर्ने समय थियो । एक महिनाको तयारीले मात्रै उनले ल्याएको बजेट लोकप्रिय नै बन्यो । पश्चिम दाङमा त उत्साह नै छायो, भने समग्र प्रदेश भर उनले ल्याएको बजेटले सन्तुलन नै कायम ग¥यो ।

उनी दाङ क्षेत्र नं.३(२)बाट निर्वाचित सांसद समेत भएकाले पश्चिम दाङलाई बढि नै प्राथमिकता दिनु स्वभाविकै पनि थियो । कुनै समय १० लाखसम्म पनि बजेट नआउने पश्चिम दाङमा एकै पटक अरवौं बजेट आयो । दाङको विकट कर्णाली भनेर चिनाउने गरिएको त्यो क्षेत्र विकट नै थियो । सबै क्षेत्रबाट उपेक्षामा परेको क्षेत्र थियो । त्यसले गर्दा अहिले परेको बजेटले समग्र जिल्लालाई नै सन्तुलन गर्ने गरि तुलनात्मक रुपमा अलि बढि बजेट पश्चिम दाङमा गयो । त्यसले पश्चिम दाङ पनि‘दाङ’ नै हो, भन्ने खालको सन्देश जिल्लाभर दियो । पश्चिम दाङलाई तुलसीपुर (संघीयता भन्दा पहिलेको अञ्चल सदरमुकाम) र जिल्ला सदरमुकाम घोराहीसंग जोड्नकालागि बीचमा पुलको आबश्यकता थियो । ति सबै खोलामा पुलकालागि बजेट बिनियोजन भयो । जो की, निर्वाचनका क्रममा पश्चिम दाङका जनताले तुलसीपुरलाई जोड्न खोलामा पुल निर्माणकालागि बजेट माग गरेका थिए । दाङकै विकट क्षेत्रका रुपमा रहेको गंगटेसम्म जोड्ने गरि सडक र पुलमा बजेट प¥यो ।

 

बबई गाउँपालिकाको हापुरेदेखि गंगटे पुग्न २३ किलोमिटर मात्रै हो । तर, बर्षादमा सडकबीचका खोलाहरुमा पुल नहुँदा उपचारलगायत अन्य कार्य गर्न एक दिन पैदल हिड्नु पर्ने बाध्यता छ । त्यसलाई मध्येनजर गरि हापुरे–गंगटे सडकमा तीन वटा खोलामा पुलकालागि बजेट परेका छन् । रिम खोलीमा बेलीवृज पुलकालागि ५० लाख, तिनतलेमा बेलिबृज पुल निर्माणकालागि ५० लाख भांगावारीमा बेलिबृजकालागि ५० लाख बजेट परेको छ । त्यस्तै तुलसीपुर देखि हापुर जोड्ने सडक अन्तर्गत पर्ने तुलसीपुर १ भमके खोलमा पुल निर्माणकालागि १ करोड, शान्तिनगर ३ पातेटाकुरा खोलामा पुल निर्माणकालागि ७५ लाख, बौलाखोला माथिल्लो बाटोमा पक्कीपुल निर्माणकालागि १ करोड, बबई गाउँपालिका अन्तर्गत राजीखरे खोलामा पुल निर्माणकालागि ७५ लाख बजेट परेको छ । त्यस्तै ट्वाङखोलामा डिपीआरसहित पक्की पुल निर्माणकालागि १ करोड ५० लाख,पुरन्धारा हुँदै मलै जाने सडकको बबई नदीमा पुल निर्माणकालागि डीपीआर गर्न १५ लाख तथा बकरीया सरुवाडाँडा गोल्टाकुरी कालितारा सडकमा पुल निर्माणकालागि १ करोड २५ लाख बजेट परेको छ ।

 

यी खोलामा पुल नहुँदा बर्षादको समयमा आवतजावतमा निकै समस्या हुने गरेको थियो । खोलामा पानीको बहाब बढ्दा आवतजावतमा समस्या हुने गरेको थियो भने सवारी नै बगाउनेसम्मका समस्या नागरिकले भोग्दै आएका थिए । तर, अब ति खोलामा पुल बनेपछि ति समस्या हटेर जाने नागरिकले अपेक्षा गरेका छन् ।

पश्चिम दाङकै ‘लाइफ लाइन’का रुपमा रहेको गहतेखोलादेखि बाघमारे हुँदै हापुरे जोडिने माथिल्लो सडक स्तरबृद्धिकालागि पनि बजेट हाले । त्यसको कामको प्रक्रिया अघि बढि सकेको छ । पुल र सडकलाई बहुबर्षिय बनाएर पूरा गर्ने लक्ष्य छ ।

 

गंगटेमा प्रहरी नहुँदा हरेक कामकालागि हापुरे आउनु पर्छ । त्यसलाई मध्येनजर गरि सोही स्थानमा प्रहरी चौकी स्थापनाकालागि बजेट बिनियोजन परेको छ । यस्तै सडक,खानेपानी, शिक्षा, स्वास्थ्यलगायतमा बजेट परेको छ । दाङमा मात्रै प्रदेशबाट १६ सय बढि योजनाहरु परेका छन् । जो की बर्षौं, बर्षसम्म नआएको बजेट मास्कीले एउटा बजेटमा नै धेरै समेट्न सफल भए । त्यो उनको क्षमता हो । उनी हरेक कुराका सुक्ष्म रुपमा अध्ययन गर्ने र छोटो समयमै उपलब्धी दिन सक्ने क्षमताको नेता हुन्, भन्ने कुरा यसले पनि पुष्टि गरेको छ ।

 

त्यो लोभलाग्दो सक्रियता

जनप्रतिनिधि भनेको जनताको प्रतिनिधि हो । जसले जनताका हरेक समस्यासंग जुध्न सक्नु पर्छ । विगतमा निर्वाचनको बेला गाउँमा फर्किने र जितेपछि एक पटक पनि मुख नदेखाउने प्रबृति थियो । त्यसले जनतामा राजनीतिक दलप्रति वितृष्णा पैदा गरेको थियो । त्यसलाई चीर्ण मास्की सफल भए । उनी मन्त्री हुँदा होस्, वा सांसद मात्रै हुँदा पनि जनताकै बीचमै रहे । जनताका हरेक समस्यामा एकाकार गरे । त्यसले गर्दा उनी आबद्ध पार्टी माओवादी केन्द्रमा पनि आकर्षण बढ्यो । पश्चिम दाङमा पार्टी प्रवेशको लहर नै चल्यो । त्यो निर्वाचन जितेपछि गाउँ नफर्किनेहरुप्रतिको जनताको अघोषित प्रहार नै थियो । ‘नेता गाउँ फर्के, जनता कही गएका छैनन्, जनता गाउँमै छन्’, मास्कीको बुझाई यही थियो । जनताले नेतृत्वबाट हरेक समस्यासंग एकाकार गरोस्, भन्ने चहान्छन् । तर, नेतृत्वले त्यसलाई बेवास्ता गर्दा नै जनतामा वितृष्णा पैदा हुने हो ।

 

नेतृत्व पार्टी नेता,कार्यकर्ता तथा जनताको मनोभावना बुझ्न सक्ने हुनुपर्छ । उनी सबैको मनोभावना बुझ्छन् । कसैप्रति अनाबश्यक टिकाटिप्पनी नगर्ने, सबैको भलो चहाने उनको स्वभाब छ । भन्छन्‘नेतृत्वले समाजलाई सकारात्मक मार्गमा लैजाने हो, कसैप्रति नकारात्मक भावना राख्नु हुँदैन ।’ समाजलाई मिलाएर लैजान सक्ने खुबी भएकै कारण पनि उनीसंग बालबालिकादेखि, युवा हुँदै जेष्ठ नागरिक पनि आकर्षित हुन्छन् । उनको एउटा स्वभाब छ‘सुक्ष्म रुपमा अध्ययन गर्ने र समाधान गर्ने ।’ त्यसले गर्दा पनि उनी छिटो–छिटो कार्यसम्पादन गर्न सक्छन् ।

Leave a Reply

Your email address will not be published. Required fields are marked *