बिशाल बिश्वकर्मा,फागुन २०, तुलसीपुर दाङ
तुलसीपुर उपमहानगरपालिका वडा नं ५ स्थित सयपत्री दोहोरी घरको कार्यलयमा सयपत्री दोहोरी घरका अध्यक्ष दिपक वलीको अध्यक्षतामा बसेको कार्यक्रममा तुलसीपुर उपमहानगरपालिका वडा नं ४ बस्ने कविराज खत्री र खुमराज खत्रीले स्वर्गिय लोक बहादुर के.सी को लागि सयपत्री दोहोरी घरको नाममा तुलसीपुर उपमहानगरपालिका वडा नं ६ स्थित गाईडरमा रहेको पाँच धुर जग्गा सहयोग हस्तान्तरण गरेका हुन ।
कार्यक्रमको सम्बोधन गर्दै सयपत्री दोहोरी घरका अध्यक्ष दिपक वलीले जग्गा सहयोग गर्ने प्रति धन्यवाद प्रकट गर्दै उनले तुलसीपुर उपमहानगरपालिका वडा नं ३ राम्री बस्ने स्वर्गिय लोक बहादुर के .सी क्यानसरको उपचार गर्दागर्दै दु:खद निधन भएको थियो र उनको उपचारका क्रममा रुपैयाँ सम्पत्ति सबै सकिएको हुदा सयपत्री दोहोरी घरको सहयोग द्वारा स्वर्गिय लोक बहादुर के.सी को परिवारलाई घर बनाइदिने प्रतिबद्धता दिएको थिए र त्यो प्रतिबद्धता अनुसार आज जग्गा उपलव्ध गराई अब केहि समयमै घर निर्माणका लगि अघि बढ्न लागेको वलिले बताएका छन ।
जग्गा सहयोग गर्ने कविराज खत्री र खुमराज खत्रीलाई अध्यक्ष वलिले उनिहरुको सहयोगका लागि सम्मान सहित सम्मान पत्र सम्मान गरेका हुन ।
कार्यक्रममा प्रमुख अतिथिका रुपमा समाजसेवी तथा व्यापारि राजेश वलि रहेका थिए । बिशिष्ट अतिथिका रुपममा खुमराज खत्री, कविराज खत्री र अतिथिका रुपमा चित्र बहादुर वलि, राष्ट्रिय सङ्गीत कर्मी दाङ जिल्ला सदस्य हर्क बहादुर बि.क को उपस्थिती रहेको थियो ।
चित्र बहादुर वलिको शुभकामना मन्तब्य बाट सुरु भएको कार्यक्रम सयपत्री दोहोरी घरका अध्यक्ष दिपक वलीले समापन गरेका थिए । कार्यक्रमको सहजिकरण भिम वलि (एसबि) ले गरेका थिए ।
