आशिष खनाल ( माडसाब ), फागुन १९
टोल टोलमा,
‘जस्टिस फर शलिना पोखरेल‘ को
नारा लागिरहदा,
म पापीको कानमा सधैँ,
‘Just tease for शलिना पोखरेल’
गुन्जयामान् भइरह्यो !
उसको र उसको नामै त फरक थियो,
यिनको र उनको हालै त फरक थियो!
धेरैको लुट्टीइएको अस्मिताको बारे आँफु अनुकुल ब्याख्या गर्ने म,
केवल एउटीको लुट्टीइएको अस्मिताको न्याय माग्न,
लाज लाग्दैन र?
मलाई मतलब नै छैन,
कस्को रहर थियो कस्को बाध्यता!
हो! मलाई साच्चिकै मतलब नै छैन,
कस्को अस्मिताको मूल्य कति!
सायद मलाई तब सम्म मतलब हुदैन,
जबसम्म म आफैँकी एउटी फुलजस्ती छोरी हुन्न!
