फागुन १५ , तुलसीपुर
दाङ तुलसीपुर उपमहानगरपालिका वडा नं ६ स्थित शिखा इङ्लिस स्कुलले आफ्नो २७ औँ वार्षिकोत्सव कार्यक्रम भव्यताका साथ मनाएको छ ।
वि.सं २०५३ साल मा स्थापना भएको यस विद्यालयले आफ्नो २७ औँ वार्षिकोत्सव कार्यक्रम विभिन्न कार्यक्रम गरी मनाएको छ ।
कार्यक्रममा बोल्दै कार्यक्रमका प्रमुख अतिथी , एनप्याब्सन का उपाध्यक्ष सुवोध डाँगी ले शिक्षित समाज निर्माण र दक्ष जनशक्ति उत्पादनमा बिद्यालय को भुमिका अपरिहार्य रहेको बताउनुभएको हो ।
यस्तै विशिष्ट अतिथि हाम्रो पँहुच बिद्यालयका प्रधानाध्यापक डि.आर भण्डारी ले आधुनिक समयमा बिद्यार्थी हरु मोबाइल मा धेरै झुण्डिरहने कुराले पढाइमा ध्यान केन्द्रित गर्न नसकेकोमा अभिभावक ले धेरै ध्यान दिनुपर्ने कुरालाइ जोड दिनुभएको थियो ।
बिद्यालयले बार्षिकोत्सव अवसरमा विभिन्न खेलकुद प्रतियोगीता को आयोजना गरेको थियो उक्त प्रतियोगितामा स्थान हासिल गर्न सफल बिद्यार्थीहरुलाई मेडल, प्रमाण पत्र ले सम्मान गरेको हो ।
कार्यक्रममा विद्यार्थीहरुले आफ्नो कला प्रस्तुत गरेका थिए ।
विद्यालय का प्रिन्सिपल सुमन के.सी को सभापतित्वमा सम्पन्न कार्यक्रमको सहजिकरण बिद्यालयका शिक्षकहरु द्वय जित बहादुर बस्नेत र मुना रिजाल ले गर्नु भएको थियो ।
