फागुन १३, तकियापुर
नेपाल रेडक्रस सोसाइटी पवननगर उपशाखाले आज आइतबार १६ औं वार्षिक साधारण सभा सम्पन्न गरेको छ ।
नेपाल रेडक्रस सोसाइटी पवननगर उपशाखाको १६ औं वार्षिक साधारण सभा दाङ जिल्ला सभापति मदन गौतमको प्रमुख आतिथ्यमा रहेको हो । उक्त कार्यक्रमको सम्बोधन गर्दै प्रमुख अतिथि नेपाल रेडक्रस सोसाइटी दाङ जिल्लाको सभापति मदन गौतमले नेपाल रेडक्रस सोसाइटीमा जोडिएका नयाँ आजिवन सदस्यहरुलाई स्वागत गर्दै मन, वचन र कर्मले सदैव सेवा प्रदान गर्नुपर्ने बताएका छन ।
कार्यक्रममा बिशिष्ट अतिथिका रुपमा तुलसीपुर उपमहानगरपालिका वडा नं २ का वडा अध्यक्ष भिम बहादुर योगी, तुलसीपुर उपमहानगरपालिका वडा नं ३ का वडा अध्यक्ष बिजय बि.क, तुलसीपुर उपमहानगरपालिका वडा नं ८ का वडा अध्यक्ष धर्मराज वलि, तुलसीपुर उपमहानगरपालिका वडा नं ९ का वडा अध्यक्ष घनश्याम ढकाल र अतिथिका रुपमा भिम बहादुर वलि, अम्बिका योगी, सुरेश बि.क लगायतको उपस्थिती रहेको थियो ।
दंगीशरण वडा नं ५ का सचिव प्रेम चौधरीले स्वागत मन्तब्य राखेको कार्यक्रम नेपाल रेडक्रस सोसाइटी पवननगर उपशाखाका सभापति देवा डाँगीले कार्यक्रम समापन गर्दै नेपाल रेडक्रस सोसाइटी पवननगर उपशाखाको सचिव ढुन्ढीराज न्यौपानेले कार्यक्रमको सहजीकरण गरेका थिए ।
