किस्मत खतिवडा, बिराटनगर,फागुन ६
आरोह जिन्दगीको साहित्यिक कार्यक्रमले आयोजना गरेको प्रथम साहित्यक जमघट नामक साहित्यिक कार्यक्रममा ओशोधारा संघ नेपालका संरक्षक एव आचार्यश्री ओशो अखण्ड ज्यू को प्रमुख आतिथ्यतामा काठमाण्डौको बागबजारमा मिति २०८० फागुन ०५ गते साहित्यिक कार्यक्रमको समुद्घाटन गरिएको हो । उक्त कार्यक्रममा ओशो अखण्ड ज्यूले विधिवत रुपमा रिवन काटी,दियो बालेर कार्यक्रमलाइ उद्घाटन गर्नुभएको थियो ।
विसुद्द साहित्यिक कार्यक्रमको तिर्खा मेटाउन अतिथिको रुपमा गजलकार डा.प्रदिप कुमार मैनाली, गजलकार आँचलकुमार शर्मा, कविवर शिव त्रिपाठी तथा एम.पि.पाण्डे ज्यूको निकै मिठा गजल तथा कविताहरु बाट खचाखच भरिएको हलमा साहित्यको चुस्की दर्शकहरुले लिने अवसर प्राप्त गरेका थिए ।
सोही कार्यक्रममा ध्यानसाधना मार्फत मानिसलाइ कसरी मान्छे बनाउन सकिन्छ भन्ने बारे केहीबेर साधना गराउदै आचार्यश्रीबाट शुरु भएको उक्त कार्यक्रममा के लत बस्यो मलाइ बोलको गजलले १ करोड दर्शक बटुलेको उपलक्ष्यमा आयोजक टिमले डा.प्रदिप कुमार मैनाली ज्यूको उक्त गजल र गजलकारको सम्मान स्वरूप केक काटेर कार्यक्रमलाइ मनोहर बनाएको थियो ।
कार्यक्रममा डा.प्रदिप कुमार मैनाली ज्यू, आँचल कुमार शर्मा ज्यूको तरन्नुम ले सबैको ध्यान खिचेको थियो भने उक्त कार्यक्रममा कवि शिव त्रिपाठी ज्युको वाचनले सबै मन्त्रमुग्ध बनेका थिए भने कविताका हरफहरुलाइ खुब मिठो लयमा एम पि पाण्डे ज्यूले गुनगुनाउनुभएको थियो ।
साहित्यलाइ अत्याधिक मन पराउने साहित्यकार तथा सम्पूर्ण साहित्य अनुरागीहरुको भेला भएको उक्त कार्यक्रममा देशका विभिन्न क्षेत्रबाट श्रोता दर्शकहरु पाल्नुभएको थियो । उक्त कार्यक्रममा अन्य आकर्षक पुरस्कार युक्त खेलले झनै मज्जा लिइरहेको दर्शकहरुले प्रतिक्रिया दिनुभएको थियो ।
यस कार्यक्रमलाइ दीपक क्षेत्री, मीना सुनार प्रेरणा, रुम्बा नेन्सी, कुल कार्की र मोनु संग्रौला क्षेत्रीज्युले प्रायोजन गनुर्भएको थियो ।
